നീയെന്നെ മറന്നോ നാഥാ എന്‍ ഹൃദയം ഉരുകുന്നു ദേവാ

Christian devotional song
Nee enne maranno nadha en hradayam urukunnu deva Malayalam lyrics

നീയെന്നെ മറന്നോ നാഥാ

എന്‍ ഹൃദയം ഉരുകുന്നു ദേവാ (2)

നീയെന്നെ വെടിഞ്ഞോ ദേവാ

എന്‍ മാനസം നീറുന്നു നാഥാ (2) (നീയെന്നെ..)

ആകുലനാണു ഞാന്‍ രോഗങ്ങള്‍ പേറുന്നു

നീയെന്നെ മറന്നോ നാഥാ (2)

ആഴിയില്‍ താഴുന്നോന്‍ കരയറിയാത്തവന്‍

നീയെന്നെ വെടിഞ്ഞോ ദേവാ (2) (നീയെന്നെ..)

ആലവിട്ടോടിയ ആടിനെപ്പോലെ ഞാന്‍

നീയെന്നെ മറന്നോ നാഥാ (2)

ആനന്ദം തേടി ഞാന്‍ അങ്ങയെ കൈവിട്ടു 

നീയെന്നെ വെടിഞ്ഞോ ദേവാ (2) (നീയെന്നെ..)

ഞാനുറങ്ങാന്‍പോകും മുന്‍പായ് നിനക്കേകുന്നിതാ നന്ദി നന്നായ്

Christian devotional song from the movie Thommante Makkal Njan urangan pokum munpay Ninakkekunnitha nandhi nannay Malayalam lyrics

ഞാനുറങ്ങാന്‍പോകും മുന്‍പായ്

നിനക്കേകുന്നിതാ നന്ദി നന്നായ്

ഇന്നു നീ കാരുണ്യപൂര്‍വ്വം

തന്ന നന്മകള്‍ക്കൊക്കെക്കുമായി (ഞാനുറങ്ങാന്‍..)

നിന്നാഗ്രഹത്തിന്നെതിരായ്

ചെയ്‌തോരെന്‍കൊച്ചു പാപങ്ങള്‍പോലും (2)

എന്‍ കണ്ണുനീരില്‍ കഴുകി മേലില്‍

പുണ്യപ്രവൃത്തികള്‍ ചെയ്യാന്‍ (ഞാനുറങ്ങാന്‍..)

ഞാനുറങ്ങീടുമ്പോഴെല്ലാം

എനിക്കാനന്ദനിദ്ര നല്‍കേണം (2)

രാത്രി മുഴുവനുമെന്നേ

നോക്കി കാത്തുസൂക്ഷിക്കുക വേണം (ഞാനുറങ്ങാന്‍..)

എമ്മാനുവേല്‍ എമ്മാനുവേല്‍ നിന്നോടു കൂടെ വാഴുന്നു

Christian devotional song
Emmanuel Emmanuel ninnodu koode vazhunnu ravum pakalum vazhunnu Malayalam lyrics

എമ്മാനുവേല്‍ എമ്മാനുവേല്‍
നിന്നോടു കൂടെ വാഴുന്നു

രാവും പകലും വാഴുന്നു 

ദൈവം നിന്നില്‍ വാഴുന്നു (എമ്മാനുവേല്‍..)

ആകാശത്തെങ്ങും തേടേണ്ട നീ 

താഴെ ഈ ഭൂവിലും തേടേണ്ട നീ

കനിവിന്‍ നാഥന്‍ സ്നേഹസ്വരൂപന്‍

എന്നും നിന്‍റെ കൂടെയുണ്ട് (2)

ഇന്നു നിന്‍റെ മാനസം നീ തുറന്നീടില്‍

എന്നുമെന്നും ഈശോ നിന്‍റെ കൂടെ വാഴും (2) (എമ്മാനുവേല്‍..)

ഭൂമിയില്‍ ഏകാനാണെന്നോര്‍ക്കേണ്ട നീ

ദുഃഖങ്ങള്‍ ഓരോന്നോര്‍ത്തു കേഴേണ്ട നീ

സ്നേഹിതനായി സാന്ത്വനമായി

ദൈവമെന്നും കൂടെയുണ്ട് (2)

ഇന്നു നിന്‍റെ മാനസം നീ തുറന്നീടില്‍

എന്നുമെന്നും ഈശോ നിന്‍റെ കൂടെ വാഴും (2) (എമ്മാനുവേല്‍..)

എൻ യേശു നാഥന്‍റെ പാദത്തിങ്കല്‍ ഞാന്‍ ഇനി എന്നാളും ഈ മന്നില്‍ ജീവിച്ചിടും

Christian devotional song
En yeshu nadhante padatthinkal njan ini ennalum ee mannil jeevichidum Malayalam lyrics

എൻ യേശു നാഥന്‍റെ പാദത്തിങ്കല്‍ ഞാന്‍

ഇനി എന്നാളും ഈ മന്നില്‍ ജീവിച്ചിടും

എന്തോരം ക്ലേശങ്ങള്‍ നേരിട്ടാലും ഞാന്‍

എന്‍റെ കര്‍ത്താവിന്‍ സ്നേഹത്തിലാനന്ദിക്കും

ദൂരെപ്പോകുന്ന നിമിഷങ്ങളില്‍ തേടിപാഞ്ഞെത്തും ഇടയനവന്‍

ആരും കാണാതെ കരഞ്ഞിടുമ്പോള്‍ തോളിലേന്തി താന്‍ തഴുകിടുന്നു

സ്വര്‍ഗ്ഗ സീയോനില്‍ നാഥനെ കാണ്മതിനായ്‌

എന്‍റെ ആത്മാവ് ദാഹിച്ചു കാത്തിരിപ്പൂ (എന്‍ യേശു..)

ആരെയും ഞാന്‍ ഭയപ്പെടില്ല എന്‍റെ കര്‍ത്താവെന്‍ കൂടെ വന്നാല്‍

ഇല്ല താഴുകില്ല ഞാന്‍ തകരുകില്ല എന്നും തന്നോടു ചേര്‍ന്നു നിന്നാല്‍

യാത്രയില്‍ ഞാന്‍ തളര്‍ന്നിടുമ്പോള്‍ എന്നാത്മ ധൈര്യം ചോര്‍ന്നിടുമ്പോള്‍

രാത്രികാലേ നടുങ്ങിടുമ്പോള്‍ എന്‍ മേനി ആകെ വിറച്ചിടുമ്പോള്‍

ശോഭിതമാം തിരുമുഖമെന്‍

ഉള്ളില്‍ കണ്ണാലെ കാണുന്നതെന്‍ ഭാഗ്യം

പാടിടും ഞാന്‍ സ്തുതിവചനം

തന്‍റെ സിംഹാസനത്തിങ്കല്‍ രാജനു ഞാന്‍ (എന്‍ യേശു..)

ഭൂവിലാണെന്‍ ഭവനമെന്നു അല്പവിശ്വാസി ഞാന്‍ കരുതി

സ്വര്‍ഗ്ഗ വീട്ടില്‍ എല്ലാം ഒരുക്കിവച്ച് എന്‍റെ നല്ലേശു കാത്തിരിപ്പൂ

ക്രൂശിലേവം സഹിച്ചുവല്ലോ എന്‍ ക്ലേശ ഭാരം അകറ്റിടുവാന്‍

പ്രാണനന്ന് സമര്‍പ്പിച്ചല്ലോ എന്‍ ആത്മ രക്ഷാ വഴി തെളിക്കാന്‍

തേടുകില്ല ജഡികസുഖം

ഇനി ഞാന്‍ അല്ല ജീവിപ്പതേശുവത്രെ

പാടിടും ഞാന്‍ സ്തുതിവചനം

തന്‍റെ സിംഹാസനത്തിങ്കല്‍ രാജനു ഞാന്‍ (എന്‍ യേശു..)

എന്‍റെ അടുത്തു നില്‍ക്കുവാന്‍ യേശുവുണ്ടേ എല്ലാരും വരുവിന്‍ എന്‍റെ ദുരിതമെല്ലാം അവനെടുക്കും പോരുക മാളോരേ

Ente aduthu nilkkuvan yeshuvunde ellarum varuvin Malayalam Christian devotional song with lyrics

എന്‍റെ അടുത്തു നില്‍ക്കുവാന്‍ യേശുവുണ്ടേ എല്ലാരും വരുവിന്‍

എന്‍റെ ദുരിതമെല്ലാം അവനെടുക്കും പോരുക മാളോരേ

അവനണിയുന്നു മുള്‍മുടി.. അവന്‍ പകരുന്നു പുഞ്ചിരി

ഇനി നമുക്കു നല്ലൊരു ശമരിയക്കാരന്‍ വിരുന്നു വന്നുവല്ലോ

ഇനി അഭയമെല്ലാം അവനിലാണെന്നു വിളിച്ചു ചൊല്ലുക നാം 

(എന്‍റെ അടുത്തു..)

ലാ ലാ ലാ ല ലാ (4)

ലാ ലാ ലാ ല ലാ (4)

ഈ ഞാറ്റുവേല പാട്ടിലുണ്ട് നമ്മുടെ ശ്രീയേശു

ഈ കാട്ടുമുല്ലപ്പൂവിലുണ്ട് നമ്മുടെ പൊന്നേശു (2)

അഞ്ചപ്പം അയ്യായിരങ്ങള്‍ക്കന്നവനേകിയതും

കാനായില്‍ കല്യാണത്തിന് വീഞ്ഞൊരുക്കിയതും (2)

ഗുരുവല്ലേ.. കൃപയല്ലേ.. 

കുരിശേറുമ്പോള്‍ ചെയ്തതും ത്യാഗമല്ലേ

ഇനി നമുക്കു ദൈവം കരുണയാണെന്നു വിളിച്ചു ചൊല്ലുക നാം

ഇനി മരിക്കുവോളം അഭയമേകാന്‍ കുരിശുമുദ്ര മതി 

(എന്‍റെ അടുത്തു..)

ലാ ലാ ലാ ല ലാ (8)

ഈ ആട്ടിടയപ്പാട്ടിലുണ്ട് നമ്മുടെ ശ്രീയേശു

ചുടുവീര്‍പ്പു വീഴും മണ്ണിലുണ്ട് നമ്മുടെ പൊന്നേശു (2)

അന്ധന്‍റെ കണ്ണുകള്‍ക്കവന്‍ കാഴ്ചയേകിയതും

രോഗങ്ങള്‍ കാരുണ്യത്താല്‍ സൌഖ്യമാക്കിയതും (2)

അവനല്ലേ.. ഗുരുവല്ലേ..

മുറിവേല്‍ക്കുമ്പോള്‍ ചൊന്നതും നന്മയല്ലേ

ഇനി നമുക്കു ജന്മം സഫലമായെന്നറിഞ്ഞു പാടുക നാം 

ഇനി മനുഷ്യപുത്രന്‍റെ ചുടുനിണത്തിന്‍റെ പൊരുളറിയുക നാം 

(എന്‍റെ അടുത്തു..)

ആത്മാവില്‍ വരമരുളിയാലും ആപാദം കനിവരുളിയാലും..

Athmavil varamaruliyalum aapadam kanivaruliyalum Malayalam Christian devotional song with lyrics

ആത്മാവില്‍ വരമരുളിയാലും
ആപാദം കനിവരുളിയാലും
യേശുവെന്നാത്മാവില്‍ ആദ്യ സങ്കീര്‍ത്തനം
പാടുന്ന ദിവ്യ സ്വരൂപം
ഭൂലോക പാപങ്ങളെല്ലാം അകറ്റുന്ന
കൈവല്യസൂര്യപ്രകാശം.....(ആത്മാവില്‍....)

ഈ വിശ്വമാകെ....നിന്നെ സ്തുതിപ്പൂ....(2)
ഹാലെലൂയ്യ.....ഹാലെലൂയ്യാ.....(ആത്മാവില്‍....)

ധ്യാന ജപനാദം പുതിയ വെളിവേകി
തിരുവചന ഗീതം പുതിയ വഴി കാട്ടി....(2)
ആ മാര്‍ഗ്ഗമാണെന്‍റെ ആലംബമിന്നും
അഖിലജനമഹിത മനസ്സറിയുന്നിതെന്നും...(2)
ഈ സത്യമെന്നെ നയിക്കുന്നു നിത്യം
പാടുന്നു പാടുന്നിതാവേശമോടെ.....(ആത്മാവില്‍....)

പ്രാര്‍ത്ഥനയിലൂടെ സുകൃതവഴി നേടി
തിരുനടയിലെല്ലാം ഒളിവിലകള്‍ ആടി...(2)
ഈ ശാന്തിയാണെന്‍റെ ആത്മാവിലെന്നും
തമസകലും അമലമനസ്സറിയുന്നിതെന്നും...(2)
ഈ ശക്തിയെന്നെ ഉണര്‍ത്തുന്നു നിത്യം
പാടുന്നു പാടുന്നിതാവേശമോടെ.....(ആത്മാവില്‍....)

ജീവിതം ഒരു നീരാഴി ഞാനതില്‍ ഒരു യാത്രികന്‍..തോണിയില്‍ തുണയേകുവാന്‍ നീ വരൂ യേശുവേ...

Jeevitham oru neerazhi njanathil oru yathrikan Malayalam Christian devotional song with lyrics

ജീവിതം ഒരു നീരാഴി
ഞാനതില്‍ ഒരു യാത്രികന്‍...(2)
തോണിയില്‍ തുണയേകുവാന്‍
നീ വരൂ യേശുവേ...                            (ജീവിതം...)

ദൂരെ വിധിയാം കാര്‍മുകിലാടി
കാറ്റും പെരുകുകയായി
ഞാനീക്കടലില്‍ നീര്‍മിഴിയോടെ
നിന്‍റെ കരതലം തേടി
കരുണയോടെ അരികില്‍ വന്നീ-
തുഴതുഴഞ്ഞാ കരയണക്കൂ
പകരമെന്‍ ഹൃദയം നല്‍കിടാം ഞാന്‍.....(ജീവിതം....)

കേഴും മനസ്സില്‍ പ്രാര്‍ത്ഥന മാത്രം
ഒഴുകീ നിറമിഴിതീര്‍ത്ഥം...(2)
നീളും തിരകള്‍ ഭീതിയുണര്‍ത്തേ
പാടി അടിയനും സ്തോത്രം
തെളിനിലാവേ കൃപ ചൊരിഞ്ഞീ-
കടലിലെന്‍റെ വഴി തെളിക്കൂ
പകരമെന്‍ ജന്മം നല്‍കിടാം ഞാന്‍.....(ജീവിതം...)

നിന്‍റെ തകര്‍ച്ചയില്‍ ആശ്വാസമേകാന്‍ നിന്‍റെ തളര്‍ച്ചയില്‍ ഒന്നുചേരാന്‍ നിന്നെ താരാട്ടു പാടിയുറക്കാന്‍

Ninte thakarchayil aswasamekan ninte thalarchayil onnu cheran ninne tharattu padi urakkan itha itha ninte amma Malayalam Christian devotional song with lyrics

നിന്‍റെ തകര്‍ച്ചയില്‍ ആശ്വാസമേകാന്‍
നിന്‍റെ തളര്‍ച്ചയില്‍ ഒന്നുചേരാന്‍
നിന്നെ താരാട്ടു പാടിയുറക്കാന്‍
ഇതാ...ഇതാ നിന്‍റെ അമ്മ.....(നിന്‍റെ തകര്‍ച്ച...)

സ്നേഹത്തോടെന്നെ ഉദരത്തില്‍ വഹിച്ചവളല്ലോ
ത്യാഗത്തോടെന്നെ കരങ്ങളില്‍ താങ്ങിയോളല്ലോ
നിന്‍ വേദനയില്‍ നിന്‍ സഹനത്തീയില്‍
വിങ്ങിവിതുംമ്പും നിന്‍ ഹൃദയക്കോണില്‍
നിര്‍മ്മല സ്നേഹത്തെളിനീരു നല്‍കാന്‍
ഇതാ...ഇതാ നിന്‍റെ അമ്മ....(2)

തിരുകുടുംബത്തിന്‍ നാഥയാണമ്മ
തിരുസഭയുടെ നാഥയാണമ്മ
നിത്യം പരിശുദ്ധ മറിയമാമമ്മ
ഇതാ...ഇതാ നിന്‍റെ അമ്മ....

പാപികള്‍ക്കെന്നെന്നും ആശ്രയമായവളല്ലോ
പാപിക്കായെന്നും പ്രാര്‍ത്ഥിക്കുന്നവളല്ലോ
പാപച്ചേറ്റില്‍ നീ പിടയുമ്പോള്‍
സാന്ത്വനമേകാന്‍ നിന്‍ കണ്ണീരൊപ്പാന്‍
നിന്നെയെന്നും മാറോടു ചേര്‍ക്കാന്‍
ഇതാ...ഇതാ നിന്‍റെ അമ്മ...(2)......നിന്‍റെ തകര്‍ച്ച...)

രാജാവിന്‍ രാജാവെഴുന്നള്ളുന്നു ദേവന്‍റെ ദേവന്‍ എഴുന്നള്ളുന്നു

Rajavin rajav ezhunnullunnu devante devan ezhunnullunnu Christmas Carol and Christian devotional song with Malayalam lyrics

രാജാവിന്‍ രാജാവെഴുന്നള്ളുന്നു
ദേവന്‍റെ ദേവന്‍ എഴുന്നള്ളുന്നു
മലര്‍ വീഥിയൊരുക്കി മാലാഘമാര്‍
പുല്‍മെത്ത വിരിച്ചു ഇടയന്മാര്‍

ഹാലേലൂയ്യാ.......(3)
ഹാ...ലേ...ലൂയ്യാ.....(രാജാവിന്‍ .....)

കന്യാമറിയത്തിന്‍ പുണ്യപുത്രന്‍
കൈവല്യരൂപനായ് അവതരിച്ചു.....(2)
കാലിത്തൊഴുത്തിലെ കൂരിരുട്ടില്‍
കാലത്തിന്‍ സ്വപ്നം തിളങ്ങിയല്ലോ...(2).....(രാജാവിന്‍...)

കിഴക്കുനിന്നെത്തിയ രാജാക്കന്മാര്‍
കുഞ്ഞിളം പാദങ്ങള്‍ തൊഴുതുനിന്നു....(2)
കുന്തിരിക്കം കാഴ്ച കൊണ്ടുവന്നു
മീറയും സ്വര്‍ണ്ണവും കൊണ്ടുവന്നു...(2)....(രാജാവിന്‍...)

പുല്ക്കുടിലില്‍ കല്‍തൊട്ടിയില്‍ മറിയത്തിന്‍ പൊന്‍മകനായ്

പുല്ക്കുടിലില്‍ കല്‍തൊട്ടിയില്‍
മറിയത്തിന്‍ പൊന്‍മകനായ്
പണ്ടൊരുനാള്‍ ദൈവസുതന്‍
പിറന്നതിനോര്‍മ്മ ദിനം.......(പുല്‍ക്കുടിലില്‍.....)

പോരൂ മണ്ണിലെ ഇടയന്മാരേ
പാടൂ വിണ്ണിലെ മാലാഖകളെ.....(2)
പാലും കമ്പിളിയും കിന്നരവും താളവുമായ്...(പുല്‍ക്കു..)

മെല്‍‌ഷ്യരും കാസ്പറും
ബെല്സസറും വാഴ്ത്തും
രക്ഷകരില്‍ രക്ഷകനാം
മശിഹാ പിറന്ന ദിനം.....(2)

"നീചരില്‍ നീചനായ ഹെരോദേസ് നടത്തിയ ശിശുഹത്യയെക്കാള്‍ ഭീകരങ്ങളായ നരവേട്ടകള്‍ ഇവിടെ പ്രതിദിനം നടക്കുമ്പോള്‍ പ്രീയമുള്ളവരെ നിങ്ങള്‍ ചെയ്യുന്നതെന്തെന്ന് നിങ്ങള്‍ തന്നെ അറിഞ്ഞിരുന്നെങ്കില്‍...."

പോരൂ മണ്ണിലെ ഇടയന്മാരേ
പാടൂ വിണ്ണിലെ മാലാഖകളെ.....(2)
പാലും കമ്പിളിയും കിന്നരവും താളവുമായ്...(പുല്‍ക്കു..)

ഭൂമിയില്‍ ദൈവമക്കള്‍
നേടും സമാധാനം
ഉന്നതിയില്‍ അത്യുന്നതിയില്‍
ദൈവത്തിനു മഹത്വം.....(2)

"ലോകത്തിലെ സകല വേദനകളും ക്ഷമയോടെ സഹിച്ച രക്ഷകനായ മശിഹായുടെ ജന്മസുദിനത്തില്‍ സ്നേഹമുള്ളവരെ നമുക്ക് നമ്മുടെ അയല്‍ക്കാരെയും അവശരേയും അങ്ങനെ നമ്മെ തന്നയും സ്നേഹിക്കാം സ്നേഹമാണ് ദൈവം

പോരൂ മണ്ണിലെ ഇടയന്മാരേ
പാടൂ വിണ്ണിലെ മാലാഖകളെ.....(2)
പാലും കമ്പിളിയും കിന്നരവും താളവുമായ്...(പുല്‍ക്കു..)

ക്രൂശില്‍ കണ്ടു ഞാന്‍ നിന്‍ സ്നേഹത്തെ ആഴമാര്‍ന്ന നിന്‍ മഹാത്യാഗത്തെ......

Krooshil kandu njan nin snehathe azhamarnna nin maha thyagatthe Malayalam Christian devotional song with lyrics

ക്രൂശില്‍ കണ്ടു ഞാന്‍ നിന്‍ സ്നേഹത്തെ
ആഴമാര്‍ന്ന നിന്‍ മഹാത്യാഗത്തെ..............(2)

പകരം... എന്തു... നല്‍കും... ഞാനിനി
ഹൃദയം... പൂര്‍ണ്ണമായ് നല്‍കുന്നു നാഥന്...(2)

സൃഷ്ടികളില്‍ ഞാന്‍ കണ്ടു നിന്‍ കരവിരുത്
അത്ഭുതമാം നിന്‍ ജ്ഞാനത്തിന്‍ പൂര്‍ണ്ണതയും...(2)

പകരം എന്തു നല്‍കും ഞാനിനി
നന്ദിയാലെന്നും വാഴ്ത്തീടും സൃഷ്ടാവേ....(2)

അടിപ്പിണരില്‍ കണ്ടു ഞാന്‍ സ്നേഹത്തെ
സൌഖ്യമാക്കും യേശുവിന്‍ ശക്തിയേ.......(2)

പകരം എന്തു നല്‍കും ഞാനിനി
എന്നാരോഗ്യം നല്‍കുന്നു താതനായ്.....(2)

മൊഴിയില്‍ കേട്ടൂ രക്ഷയിന്‍ ശബ്ദത്തെ
വിടുതല്‍ നല്‍കും നിന്‍ ഇമ്പ വചനത്തെ...(2)

പകരം എന്തു നല്‍കും ഞാനിനി
ദേശത്തെങ്ങും പോകും സുവിശേഷവുമായ്...(2)

നിന്‍ ശരീരം തകര്‍ത്തു നീ ഞങ്ങള്‍ക്കായ്
ശുദ്ധ രക്തം ചിന്തി നീ ഞങ്ങള്‍ക്കായ്........(2)

പകരം എന്തു നല്‍കും ഞാനിനി
അന്ത്യത്തോളോം ഓര്‍മ്മിക്കും യാഗത്തെ....(2)

സങ്കീര്‍ത്തനങ്ങള്‍ നീതിമാനെ വാഴ്ത്തുന്നു മണ്ണും വിണ്ണും അതേറ്റുപാടുന്നു

Sankkeerthanangal neethimane vazhthunnu mannum vinnum athettu padunnu Malayalam Christian devotional song with lyrics

സങ്കീര്‍ത്തനങ്ങള്‍ നീതിമാനെ വാഴ്ത്തുന്നു
മണ്ണും വിണ്ണും അതേറ്റുപാടുന്നു....(2)
പീഢിതരേ ദാവീദിന്‍ പുത്രനിതാ
മര്‍ദ്ദിതരെ മംഗളമാം സൂക്തമിതാ....(2)
മര്‍ദ്ദകരെ ദൈവത്തെ ഭയപ്പെടുവീന്‍
ചൂഷകരെ ശിക്ഷകളുണ്ടോര്‍ത്തോളിന്‍...(2).......സങ്കീ.....

അനാദിയായോന്‍ വാഴുമ്പോള്‍
ദു:ഖമെന്തിനു മാനവരെ
സത്യമറിയൂ സാക്ഷികളെ....(2)
പാപ മനസ്സില്‍ ശാന്തി അരുളും
ധ്യാന സവിധം ഈയാശയം.......(സങ്കീര്‍ത്തനങ്ങള്‍...)

പിതാവിനെ നാം വാഴ്ത്തുമ്പോള്‍
സത്യമുണരും പാവനമായ്
മിഥ്യമറയും മാനവരെ...(2)
നീല നഭസ്സില്‍ സൂര്യകിരണം
പോലെ തെളിയും ഈയാശയം...(2)

നാഥാ നിന്നെ കാണാന്‍ നിന്‍ പാദങ്ങള്‍ പുല്‍കാന്‍ നിന്‍ കൃപയിന്‍ ആഴമറിയാന്‍...

Nadha ninne kanan nin padhangal pulkan nin krapayin azham ariyan Malayalam Christian devotional song with lyrics

നാഥാ നിന്നെ കാണാന്‍ നിന്‍ പാദങ്ങള്‍ പുല്‍കാന്‍
നിന്‍ കൃപയിന്‍ ആഴമറിയാന്‍.....(2)
നിഷ്ഫലമാം ജീവിതങ്ങളെല്ലാം
നിസ്തുലമായ് പൂവണിഞ്ഞീടാന്‍
ന്ഷ്ഫലമാം ജീവനില്‍ ദിവ്യമാരി പെയ്തിറങ്ങി
നിസ്തുലമായ് പൂവണിഞ്ഞീടാന്‍......(നാഥാ നിന്നെ....)

കൈവിടല്ലേ നാഥാ തള്ളീടല്ലേ ദേവാ
പ്രാണന്‍റെ പ്രാണനേശുവേ...(2)
നിന്‍ സ്തുതി ഗീതം ഞങ്ങളുടെ നാവില്‍
നിന്‍ ദിവ്യ വാഗ്ദാനങ്ങള്‍ ഞങ്ങള്‍ക്കഭയം...(2)...നാഥാ..

കൈകള്‍ തളരുമ്പോള്‍ കാല്‍കള്‍ ഇടറുമ്പോള്‍
ഏകാന്തതാന്തരാകുമ്പോള്‍...(2)
നിന്‍ സാന്നിധ്യത്താല്‍ ഞങ്ങളുണര്‍ന്നീടാന്‍
നിന്‍ അറിവാലെ ഞങ്ങള്‍ ലക്ഷ്യം നേടീടാന്‍...(2)...നാഥാ..

കരയുന്ന മിഴികളില്‍ കണ്ണീര്‍ തുടയ്ക്കുവാന്‍ കാരുണ്യരൂപാ വരുമോ.

Karayunna mizhikalil kanner thudaykkuvan karunya roopa varumo Christian devotional song with Malayalam lyrics

കരയുന്ന മിഴികളില്‍ കണ്ണീര്‍ തുടയ്ക്കുവാന്‍
കാരുണ്യരൂപാ വരുമോ...(2)
നീറുന്ന ഹൃദയത്തില്‍ സാന്ത്വനമേകുവാന്‍
ആശ്വാസദായകാ വരുമോ...(2).......കരയുന്ന.....

മാറാത്ത വ്യാധിയാല്‍ നീറും ശരീരത്തില്‍
സൌഖ്യം പകരുവാന്‍ വരുമോ...(2)
നൈരാശ്യമേറി ഞാന്‍ താണടിഞ്ഞീടവേ
ആനന്ദമായി നീ വരുമോ....(2)......കരയുന്ന......

സ്നേഹിതര്‍ പോലുമിന്നെന്നെ പിരിയുമ്പോള്‍
സ്നേഹിതനായി നീ വരുമോ...(2)
മാറാത്ത സ്നേഹിതനാണ് നീയെന്നതില്‍
വിശ്വസിക്കാന്‍ കൃപ തരുമോ...(2)........കരയുന്ന.....

നട്ടുച്ചനേരത്ത് കിണറിന്‍റെ തീരത്ത് വെള്ളത്തിനായി ഞാന്‍ കാത്തിരിപ്പൂ-നാരി

Nattucha nerath kinarinte theerath vellathinay njan kathiruppu nari Christian devotional song with Malayalam lyrics

നട്ടുച്ചനേരത്ത് കിണറിന്‍റെ തീരത്ത്

വെള്ളത്തിനായി ഞാന്‍ കാത്തിരിപ്പൂ-നാരി

ഒരു പാത്രം ദാഹജലം നീ എനിക്കു നല്‍കൂ

    അയ്യയ്യോ നീയൊരു യൂദന്‍

    ഞാനിന്നൊരു ശമരായത്തി

    ഞാന്‍ കോരിയ വെള്ളം തൊട്ടാല്‍ തീണ്ടലില്ലേ

    ഞാന്‍ കോരിയ വെള്ളം തൊട്ടാല്‍ തീണ്ടലില്ലേ

അറിയുന്നില്ലേതും നീ എന്നോടു നീ ചോദിച്ചാല്‍

ജീവന്‍റെ ജലം കോരി തരുമല്ലോ ഞാന്‍

ജീവന്‍റെ ജലം കോരി തരുമല്ലോ ഞാന്‍

    കയറില്ല പാളയുമില്ല നീയെങ്ങനെ വെള്ളം കോരും

    ജീവന്‍റെ ജലം പിന്നെ എങ്ങനെ കിട്ടും

    ജീവന്‍റെ ജലം പിന്നെ എങ്ങനെ കിട്ടും

ഞാന്‍ നല്‍കും നിത്യജലം നീ വിശ്വാസമായിന്നു കുടിച്ചാല്‍

നാരി നിനക്കൊരുനാളും ദാഹിക്കില്ല

നാരി നിനക്കൊരുനാളും ദാഹിക്കില്ല

    ആ ദിവ്യജലം നാഥാ നല്‍കേണമെനിക്കൊരു പാത്രം 

    വീണ്ടും ഞാന്‍ വെള്ളം കോരാന്‍ പോരേണ്ടല്ലോ 

    വീണ്ടും ഞാന്‍ വെള്ളം കോരാന്‍ പോരേണ്ടല്ലോ 

മഹിളെ നീ വീട്ടില്‍ പോയ്‌ നിന്‍ കണവനേയും കൊണ്ടുവരൂ നീ

അപ്പോള്‍ ഞാന്‍ കോരി വിളമ്പാം ജീവന്‍റെ ജലം

അപ്പോള്‍ ഞാന്‍ കോരി വിളമ്പാം ജീവന്‍റെ ജലം

    ഗുരുവേ നീ കോപിക്കരുതേ വീട്ടില്‍ ഞാനെന്തിനു   പോകാന്‍ 

    ഇല്ലില്ല സത്യമെനിക്കു ഭര്‍ത്താവില്ല

    ഇല്ലില്ല സത്യമെനിക്കു ഭര്‍ത്താവില്ല

നീ ചൊന്നതു സത്യം തന്നെ കണവന്മാര്‍ അഞ്ചുണ്ടായി

ഇപ്പോഴുള്ളവനോ നിന്‍റെ ഭര്‍ത്താവല്ല

ഇപ്പോഴുള്ളവനോ നിന്‍റെ ഭര്‍ത്താവല്ല

    നിന്‍ നിതമെന്‍ ജീവചരിത്രം നീയെങ്ങനെ സര്‍വ്വമറിഞ്ഞു

    ദൈവകരം തെളിവായ്‌ നിന്നില്‍ കാണുന്നു ഞാന്‍

     ദൈവകരം തെളിവായ്‌ നിന്നില്‍ കാണുന്നു ഞാന്‍

മകളെ നീ ശങ്കിക്കണ്ട ദൈവത്തിന്‍ പുത്രന്‍ തന്നെ

നിന്‍ മുന്‍പില്‍ നില്‍ക്കുന്നു നീ അറിഞ്ഞുകൊള്‍ക

നിന്‍ മുന്‍പില്‍ നില്‍ക്കുന്നു നീ അറിഞ്ഞുകൊള്‍ക

    നാഥാ നിന്‍ തിരുമൊഴി കേള്‍ക്കാന്‍ ഭാഗ്യമെനിക്കെങ്ങനെ ഉണ്ടായ്‌

    തൃപ്പാദം വിശ്വാസമോടെ വണങ്ങിടുന്നേ

    തൃപ്പാദം വിശ്വാസമോടെ വണങ്ങിടുന്നേ

തന്നാലും നാഥാ ആത്മാവിനെ ആശ്വാസദായകനേ...

Thannalum nadha athmavine ashwasadhayakane Christian devotional song with Malayalam lyrics

തന്നാലും നാഥാ ആത്മാവിനെ
ആശ്വാസദായകനേ...
തന്നാലും നാഥാ നിന്‍ ജീവനെ
നിത്യസഹായകനേ...(2)

അകതാരിലുണര്‍വ്വിന്‍റെ പനിനീരുതൂകി
അവിരാമം ഒഴുകി വരൂ
വരദാനവാരിധേ ഫലമേകുവാനായ്
അനുസ്യൂതമൊഴുകി വരൂ...(2).........തന്നാലും.....

പാപവും പുണ്യവും വേര്‍തിരിച്ചേകുന്ന
ജ്ഞാനമായ് ഒഴുകി വരൂ
ആത്മീയ സന്തോഷം ദാസരില്‍ നല്‍കുന്ന
സ്നേഹമായ് ഒഴുകി വരൂ....(2)........തന്നാലും...

എന്നെ ഒരുനാളും കൈ വിടരുതേ എനിക്കിന്നീ ഭൂമിയില്‍ ആരുമില്ല

Enne oru nalum kai vidaruthe enikkinni bhoomiyil aarumilla Christian devotional song with Malayalam lyrics

എന്നെ ഒരുനാളും കൈ വിടരുതേ
എനിക്കിന്നീ ഭൂമിയില്‍ ആരുമില്ല
നീയോഴികെ ആരിലും ആശ്രയമില്ല
നിന്നില്‍ മാത്രമാണെന്‍റെ ശരണവുമേ
നീയില്ലാത്ത ജീവിതം ശൂന്യമാണ്
നീ നയിക്കും പാതയില്‍ നടത്തേണമേ....(എന്നെ ഒരു....)

ഓ...യേശുവേ നിന്‍റെ പുണ്യനാമമെന്നും ഞാന്‍...(2)
പാടിസ്തുതിക്കും ഞാന്‍ പാടിസ്തുതിക്കും...(2)
(എന്നേ ഒരുനാളും...)

പാപങ്ങളെല്ലാം നീ പൊറുക്കേണമേ
പാപിയാമെന്നെ നീ കാക്കേണമേ...(2)
അറിഞ്ഞും അറിയാതെയും തെറ്റു ചെയ്തു പോയ്‌
എന്‍ അകൃത്യങ്ങളോര്‍ത്തു ഞാന്‍ അനുതപിക്കും
ഓ...ശിക്ഷിക്കരുതേ എന്നെ രക്ഷിക്കേണമേ...(2)
കോപത്തോടെന്നെ നീ നോക്കരുതേ
നിന്‍ കരുണയെന്നില്‍ നീ ചൊരിയണമേ...(എന്നേ ഒരു...)

ആധികളെല്ലാം നീ അകറ്റേണമേ
അരുപിയാലെന്നെ നീ നിറയ്ക്കണമേ...(2)
അവിടുന്നെന്‍റെ എല്ലാം അറിയുന്നല്ലോ
എന്‍ അപരാധം മറന്നു അനുഗ്രഹിക്കൂ
ഓ...ശിക്ഷിക്കരുതേ എന്നെ രക്ഷിക്കേണമേ...(2)
കോപത്തോടെന്നെ നീ നോക്കരുതേ
നിന്‍ കരുണയെന്നില്‍ നീ ചൊരിയണമേ...(എന്നേ ഒരു...)

നന്മ നേരുമമ്മ...വിണ്ണിന്‍ രാജകന്യ ധന്യ സര്‍വ്വ വന്ദ്യ...മേരീ ലോക മാതാ

Nanma nerum amma vinnin raja kanya dhanya sarvva vandya Christian devotional song from the movie Aparaadhi with Malayalam lyrics

നന്മ നേരുമമ്മ...വിണ്ണിന്‍ രാജകന്യ
ധന്യ സര്‍വ്വ വന്ദ്യ...മേരീ ലോക മാതാ.....(2)

കണ്ണിലുണ്ണിയാകും ഉണ്ണിയേശു തന്‍റെ
അംബയായ ദേവി...മേരീ ലോക മാതാ.....(2).....നന്മ.....

മാതാവേ...മാതാവേ...മണ്ണിന്‍ ദീപം നീയേ
നീയല്ലോ നീയല്ലോ നിത്യസ്നേഹ ധാര.....(2)
കുമ്പിള്‍ നീട്ടും കയ്യില്‍ സ്നേഹം തൂകും മാതാ
കാരുണ്യാധി നാഥാ മേരീ ലോക മാതാ.....(2)

പാവങ്ങള്‍ പൈതങ്ങള്‍ പാദം കൂപ്പി നില്‍പ്പൂ
സ്നേഹത്തിന്‍ കണ്ണീരാല്‍ പൂക്കള്‍ തൂകി നില്‍പ്പൂ....(2)
ആശാപൂരം നീയേ...ആശ്രയതാരം നീയേ
പാരിന്‍ തായ നീയേ മേരീ ലോകമാതാ....(2)...നന്മ....

ജറുശലേമിന്‍ നായകനെ വാഴ്ത്തുവീന്‍ നിത്യമഹോന്നത നാഥനെ വാഴ്ത്തുവീന്‍

Jerusalemin nayakhane vazhthuvin nithya mahonnatha nadhane vazhthuvin Christian devotional and Christmas Carol song with Malayalam lyrics

ജറുശലേമിന്‍ നായകനെ വാഴ്ത്തുവീന്‍
നിത്യമഹോന്നത നാഥനെ വാഴ്ത്തുവീന്‍
ദൈവത്തിന്‍ പ്രീയജാതന്
തപ്പുകള്‍ തമ്പുരു വീണകളാല്‍
കീര്‍ത്തനങ്ങള്‍ പാടി വാഴ്ത്തുവീന്‍....(2)

കര്‍ണ്ണമനോഹര രാഗം പകരും ഗീതിയാല്‍
വനവദൂതര്‍ വാനില്‍ സ്തുതികള്‍ പാടുന്നു....(2)
വാനവരൊത്ത് മാനവരും
ദൈവത്തിന്‍ തിരുസന്നിധിയില്‍
ഹല്ലേലൂയ്യ പാടി വാഴ്ത്തുവിന്‍....(2)...ജറുശ......

മഞ്ജുളമോഹന കീര്‍ത്തനം പാടി പോകനാം
രക്ഷകനാം ശ്രീയേശുവിന്‍ സ്നേഹദൂതുമായ്‌....(2)
സുവിശേഷത്തിന്‍ സാക്ഷികളായ്
ലോകത്തിന്‍ പൊന്‍ ദീപമായ്
ഏകിടുവീന്‍ നല്‍ ക്രിസ്തുവിന്‍ സന്ദേശം....(2)...ജറുശ....

ആയിരം സൂര്യഗോളങ്ങള്‍ ഒന്നിച്ചുദിച്ചാലും ആകുമോ നിന്‍ മുഖശോഭ പോലെ

Aayiram soorya golangal onnich udhichalum aakumo nin mugha shobha pole Christian devotional song with Malayalam lyrics

ആയിരം സൂര്യഗോളങ്ങള്‍ ഒന്നിച്ചുദിച്ചാലും
ആകുമോ നിന്‍ മുഖശോഭ പോലെ
ആയിരം ചന്ദ്രഗോളങ്ങള്‍ ഒന്നിച്ചുദിച്ചാലും
ആകുമോ നിന്‍ മുഖകാന്തി പോലെ

ദിവ്യസമാഗമകൂടാരത്തില്‍
ദിവ്യദര്‍ശനമേകിയപോല്‍
ഉന്നതസ്നേഹാഗ്നിജ്വാലയായ്
തെളിയൂ...തെളിയൂ....(ആയിരം....)

നീതിസൂര്യനായവനെ
സ്നേഹമായുണര്‍ന്നവനെ
ശാന്തിയായ് ജീവനായ്
മഹിയില്‍ പാവനദീപമായ്...(2)
നീ തെളിഞ്ഞ വീഥിയില്‍
നീങ്ങിടുന്ന വേളയില്‍
നീ വരണേ താങ്ങേണമേ...(ആയിരം....)

ലോകപാപങ്ങള്‍ ഏറ്റവനെ
പാപവിമോചകനായവനെ
ശാന്തനായ് ശൂന്യനായ്
കുരിശില്‍ വേദന ഏറ്റവനെ....(2)
നിന്‍റെ ഉദ്ധാനശോധനയില്‍
നിര്‍മ്മലമാനസരായിടുവാന്‍
കനിയണമേ കാരുണ്യമേ....(ആയിരം....)

കണ്ണുനീര്‍ താഴ്വരയില്‍ ഞാനേറ്റം വലഞ്ഞിടുമ്പോള്‍ കണ്ണുനീര്‍ വാര്‍ത്തവനെന്‍ കാര്യം നടത്തിത്തരും

Kannuneer thazhvarayil njanettam valanjeedumbol Christian devotional song with Malayalam lyrics

കണ്ണുനീര്‍ താഴ്വരയില്‍ ഞാനേറ്റം വലഞ്ഞിടുമ്പോള്‍
കണ്ണുനീര്‍ വാര്‍ത്തവനെന്‍ കാര്യം നടത്തിത്തരും
നിന്‍ മനം ഇളകാതെ... നിന്‍ മനം പതറാതെ...
നിന്നോടു കൂടെയെന്നും ഞാനുണ്ട് അന്ത്യം വരെ

കൂരിരുള്‍ പാതയതോ ക്രൂരമാം ശോധനയോ
കൂടിടും നേരമതില്‍ ക്രൂശിന്‍ നിഴല്‍ നിനക്കായ്
നിന്‍ മനം ഇളകാതെ... നിന്‍ മനം പതറാതെ...
നിന്നോടു കൂടെയെന്നും ഞാനുണ്ട് അന്ത്യം വരെ

തീച്ചൂള സിംഹക്കുഴി പൊട്ടക്കിണര്‍ മരുഭൂമി
ജയില്‍ അറ നീര്‍ച്ച വാളോ മരണമോ വന്നിടട്ടെ
നിന്‍ മനം ഇളകാതെ... നിന്‍ മനം പതറാതെ...
നിന്നോടു കൂടെയെന്നും ഞാനുണ്ട് അന്ത്യം വരെ

ദാഹിച്ചു വലഞ്ഞു ഞാന്‍ ഭാരത്താല്‍ വലഞ്ഞിടുമ്പോള്‍
ദാഹം ശമിപ്പിച്ചവന്‍ ദാഹജലം തരുമേ
നിന്‍ മനം ഇളകാതെ... നിന്‍ മനം പതറാതെ...
നിന്നോടു കൂടെയെന്നും ഞാനുണ്ട് അന്ത്യം വരെ

ചെങ്കടല്‍ തീരമതില്‍ തന്‍ ദാസര്‍ കേണതുപോല്‍
ചങ്കിനു നേരേ വരും വന്‍ഭാരം മാറിപ്പോകും
നിന്‍ മനം ഇളകാതെ... നിന്‍ മനം പതറാതെ...
നിന്നോടു കൂടെയെന്നും ഞാനുണ്ട് അന്ത്യം വരെ

കാലങ്ങള്‍ കാത്തിടുന്നേ കാന്താ നിന്‍ ആഗമനം
കഷ്ടത തീര്‍ന്നിടുവാന്‍ കാലങ്ങള്‍ ഏറെയില്ല
നിന്‍ മനം ഇളകാതെ... നിന്‍ മനം പതറാതെ...
നിന്നോടു കൂടെയെന്നും ഞാനുണ്ട് അന്ത്യം വരെ

ആബ്ബാ ദൈവമേ അലിയും സ്നേഹമേ ആശാ നാളമേ അഭയം നല്‍കണേ

Aaba daivame aliyum snehame asha nalame abhayam nalkane Christian devotional song with Malayalam lyrics

ആബ്ബാ ദൈവമേ അലിയും സ്നേഹമേ
ആശാ നാളമേ അഭയം നല്‍കണേ

നിന്‍റെ ദിവ്യ രാജ്യം മന്നിടത്തില്‍ വരണം
നിന്‍റെ ഉള്ളം ഭൂവിലെങ്ങും നിറയാന്‍
മണ്ണും വിണ്ണും പാടും നിന്‍റെ പുണ്യഗീതം
പാരിടത്തില്‍ ദൈവരാജ്യം പുലരാന്‍
അന്നന്നുള്ള ദിവ്യഭോജ്യം
ഞങ്ങള്‍ക്കെന്നും നല്‍കീടണം
താതനാം മഹേശനെ......(2).........(ആബ്ബാ......)

സ്വര്‍ഗ്ഗരാജ്യ സീയോനില്‍
വാനദൂതരെല്ലാരും
കീര്‍ത്തിക്കും രാജാവേ...
മന്നിടത്തില്‍ മാലോകര്‍
ആമോദത്തോടൊന്നായി
പൂജിക്കും രാജാവേ........(2)
(നിന്റെ ദിവ്യ....)

അദ്ധ്വാനിച്ചിടുന്നോനും
ഭാരം വഹിക്കുന്നോനും
ആലംബം നീയല്ലോ
പ്രത്യാശിച്ചിടുന്നോര്‍ക്ക്
നിത്യരക്ഷ എകീടും
ആനന്ദം നീയല്ലോ......(2)
(നിന്റെ ദിവ്യ....)

ജീവിത സായാഹ്നതീരത്തിരുന്നു ഞാന്‍ വെറുതേ പുറകോട്ടു നോക്കി-ഞാന്‍ വെറുതേ പുറകോട്ടു നോക്കി

Jeevitha sayahna theeratthirunnu njan veruthe purakottu nokki Christian devotional song with Malayalam lyrics

ജീവിത സായാഹ്നതീരത്തിരുന്നു ഞാന്‍
വെറുതേ പുറകോട്ടു നോക്കി-ഞാന്‍
വെറുതേ പുറകോട്ടു നോക്കി
ഇതുവരെ ഞാന്‍ വന്ന കാലടിപ്പാടുകള്‍
മണ്ണില്‍ മായാതെ കാണ്മൂ...
ഇനിയും മായാതെ നില്‍പ്പൂ.....(ജീവിത....)

അജ്ഞാതമാം രണ്ടു പാദങ്ങള്‍ കൂടി
കാണുന്നു ഞാനെന്‍ പാദങ്ങള്‍ക്കൊപ്പം...(2)
ജനനം മുതല്‍ എന്‍റെ യാത്രയില്‍ തുണയായ്
എന്നോടൊപ്പം നടന്നവനാര്...
മകനേ അന്നതു ഞാനായിരുന്നു
നിന്നെ സൃഷ്ടിച്ച നിന്‍റെ ദൈവം.....(2)......ജീവിത.....

എങ്കിലെന്‍ നാഥാ എന്‍റെയാ കാലടികള്‍
എന്‍ ക്ലേശകാലത്തു കാണുന്നില്ല...(2)
ദുരിതങ്ങളാല്‍ ഞാന്‍ വലഞ്ഞിരുന്നപ്പോള്‍
എന്തേ നീ എന്‍ കൂടെ നടന്നതില്ല...
മകനേ അന്നതും ഞാനായിരുന്നു
അന്നു നീ എന്‍ തോളിലായിരുന്നു...(2)....ജീവിത.....

ഈശോ നീയെന്‍ ജീവനില്‍ നിറയേണം നാഥാ നീയെന്‍ ഉള്ളിലെ സ്വരമല്ലോ...

Eesho neeyen jeevanil nirayenam nadha neeyen ullile swaramallo Christian devotional song with Malayalam lyrics

ഈശോ നീയെന്‍ ജീവനില്‍ നിറയേണം
നാഥാ നീയെന്‍ ഉള്ളിലെ സ്വരമല്ലോ...
ആത്മാവിലെ ചെറു പുല്‍ക്കൂട്ടില്‍
കാണുന്നു നിന്‍ തിരുരൂപം ഞാന്‍
കനിവോലും ആ രൂപം........(ഈശോ....)

തുളുമ്പുമെന്‍ കണ്ണീര്‍കായല്‍
തുഴഞ്ഞു ഞാന്‍ വന്നൂ
അനന്തമാം ജീവിതഭാരം
ചുമന്നു ഞാന്‍ നിന്നു
പാദം തളരുമ്പോള്‍
തണലിന്‍ മരമായ്‌ നീ
ഹൃദയം മുറിയുമ്പോള്‍
അമൃതിന്‍ ഉറവായ് നീ
എന്നാളും ആശ്രയം നീ മാത്രം
എന്‍ നാഥാ...തുടയ്ക്കുകെന്‍ കണ്ണീര്‍....(ഈശോ...)

കിനാവിലെ സാമ്രാജ്യങ്ങള്‍
തകര്‍ന്നു വീഴുമ്പോള്‍
ഒരായിരം സാന്ത്വനമായി
ഉയര്‍ത്തുമല്ലോ നീ
ഒരു പൂ വിരിയുമ്പോള്‍
പൂന്തേന്‍ കിനിയുമ്പോള്‍
കാറ്റിന്‍ കുളിരായ് നീ
എന്നേ തഴുകുമ്പോള്‍
കാരുണ്യമേ നിന്നേ അറിയുന്നു
എന്‍ നാഥാ...നമിപ്പൂ ഞാന്‍ എന്നും.....(ഈശോ...)

ഈശ്വരനെ തേടി ഞാന്‍ നടന്നു... കടലുകള്‍ കടന്നു ഞാന്‍ തിരഞ്ഞു

Eeswarane thedi njan nadannu kadalukal kadannu njan thiranju christian devotional song with malayalam lyrics

ഈശ്വരനെ തേടി ഞാന്‍ നടന്നു...
കടലുകള്‍ കടന്നു ഞാന്‍ തിരഞ്ഞു
അവിടെയുമില്ലിവിടെയുമില്ലീശ്വരന്‍
വിജനമായ ഭൂവിലുമില്ലീശ്വരന്‍.........(ഈശ്വരനെ....)

എവിടെയാണീശ്വരന്‍റെ കാല്‍പ്പാടുകള്‍
മണ്ണിലൊക്കെ ഞാന്‍ തേടി കണ്ടില്ല...
എവിടെയാണീശ്വരന്‍റെ സുന്ദരാനനം
വിണ്ണിലൊക്കെ ഞാന്‍ തേടി കണ്ടില്ല....(ഈശ്വരനെ....)

കണ്ടില്ല കണ്ടില്ലെന്നോതി ഓതി
കാനന ചോല കുണുങ്ങി ഓടി
കാണില്ല കാണില്ലന്നോതി ഓതി
കിളികള്‍ പറന്നു പറന്നു പോയി........(ഈശ്വരനെ....)

അവസാനമെന്നിലേക്കു ഞാന്‍ തിരിഞ്ഞു
ഹൃദയത്തിലേക്കു ഞാന്‍ കടന്നു
അവിടെയാണീശ്വരന്‍റെ വാസം
സ്നേഹമാണീശ്വരന്‍റെ രൂപം.........(3)

എന്‍റെ മുഖം വാടിയാല്‍.. ദൈവത്തിന്‍ മുഖം വാടും.. എന്‍റെ മിഴികള്‍ ഈറനണിഞ്ഞാല്‍... ദൈവത്തിന്‍ മിഴി നിറയും

Ente mugham vadiyal daivathin mugham vadum ente mizhikal eerananinjal daivathin mizhi nirayum Christian devotional song with Malayalam lyrics

എന്‍റെ മുഖം വാടിയാല്‍..
ദൈവത്തിന്‍ മുഖം വാടും..
എന്‍റെ മിഴികള്‍ ഈറനണിഞ്ഞാല്‍...
ദൈവത്തിന്‍ മിഴി നിറയും........................(2)

ഞാന്‍ പാപം ചെയ്തകന്നീടുമ്പോള്‍
ദൈവത്തിന്‍ ഉള്ളം തേങ്ങും.......(2)
ഞാന്‍ പിഴകള്‍ ചൊല്ലീടുമ്പോള്‍
ദൈവത്തിന്‍ കരളലിയും............ഞാന്‍ പാപം.......
(എന്‍റെ മുഖം........)

ഞാന്‍ നന്മകള്‍ ചെയ്തീടുമ്പോള്‍
ദൈവത്തിന്‍ മനം തുടിക്കും......(2)
അവനെന്നെ തോളിലെടുക്കും
സ്നേഹത്താല്‍ താലോലിക്കും....ഞാന്‍ നന്മകള്‍.....
(എന്‍റെ മുഖം.........)

സത്യനായകാ മുക്തിദായകാ പുല്‍ത്തൊഴുത്തില്‍ പുളകമായ സ്നേഹഗായകാ ശ്രീ...യേശുനായകാ.

Sathyanayaka mukthidayaka pulthozhutthil pulakamaya Christian devotional song from the movie Jeevitham Oru Gaanam with Malayalam lyrics

സത്യനായകാ മുക്തിദായകാ
പുല്‍ത്തൊഴുത്തില്‍ പുളകമായ
സ്നേഹഗായകാ ശ്രീ...യേശുനായകാ......(സത്യനായകാ...)

കാല്‍വരിയില്‍ പൂത്തുലഞ്ഞ രക്തപുഷ്പമേ
കാലത്തിന്‍റെ കവിതയായ കനകതാരമേ.....(2)
നിന്നോളി കണ്ടുണര്‍ന്നിടാത്ത കണ്ണ് കണ്ണാണോ...
നിന്‍റെ കീര്‍ത്തികേട്ടിടാത്ത കാത് കാതാണോ....(2)

(സത്യനായകാ....)

അന്വേഷിച്ചാല്‍ കണ്ടെത്തീടും പുണ്യതീര്‍ത്ഥമേ
സാഗരത്തിന്‍ തിരയേ വെന്ന കര്‍മ്മ കാണ്ഡമേ....(2)
നിന്‍ കഥ കേട്ടലിഞ്ഞിടാത്ത മനം മനമാണോ...
നിന്‍റെ രാജ്യം വന്നുചേരും പുലരി എന്നാണോ....(2)
(സത്യനായകാ....3)

യാഹൂദിയായിലെ ഒരു ഗ്രാമത്തില്‍ ഒരു ധനുമാസത്തിന്‍ കുളിരും രാവില്‍ രാപാര്‍ത്തിരുന്നോരജപാലകര്‍

Yahoodhiyayile oru gramatthil oru dhanu masathin kulirum ravil Christian devotional and Christmas Carol song with Malayalam lyrics

യാഹൂദിയായിലെ  ഒരു ഗ്രാമത്തില്‍
ഒരു ധനുമാസത്തിന്‍ കുളിരും രാവില്‍
രാപാര്‍ത്തിരുന്നോരജപാലകര്‍
ദേവ നാദം കേട്ടു ആമോദരായ്....

വര്‍ണ്ണരാജികള്‍ വിടരും വാനില്‍
വെള്ളിമേഘങ്ങള്‍ ഒഴുകും രാവില്‍
താരക രാജകുമാരിയോടൊത്തന്നു
തിങ്കള്‍ കല പാടി....ഗ്ലോറിയ....
അന്നു തിങ്കള്‍ കല പാടി...ഗ്ലോറിയ........

താരകം തന്നെ നോക്കി...ആട്ടിടയര്‍ നടന്നു...(2)
തേജസ് മുന്നില്‍കണ്ടു അവര്‍ ബേതലേം തന്നില്‍ വന്നു..(2)
രാജാധിരാജന്‍റെ പൊന്‍തിരുമേനി.....(2)
അവര്‍ കാലിത്തൊഴുത്തില്‍ കണ്ടു......(വര്‍ണ്ണ....)

മന്നവര്‍ മൂവരും...ദാവീദിന്‍ സുതനെ....(2)
കണ്ടുവണങ്ങീടുവാന്‍ അവര്‍ കാഴ്ചയുമായ്‌ വന്നു...(2)
ദേവാധിദേവന്‍റെ തിരുസന്നിധിയില്‍.......(2)
അവര്‍ കാഴ്ചകള്‍ വച്ചു വണങ്ങി.........(യഹൂദി......)

അനുപമ സ്നേഹ ചൈതന്യമേ മണ്ണില്‍ പ്രകാശിച്ച വിണ്‍ദീപമേ ഞങ്ങളില്‍ നിന്‍ ദീപ്തി പകരണമേ യേശുവേ....സ്നേഹ സ്വരൂപാ

Anupama sneha chaithanyame mannil prakshicha vindeepame njagalil nin dheepthi pakaraname yeshuve sneha swaroopa ..Christian devotional song from the movie Varnappakittu with Malayalam lyrics

അനുപമ സ്നേഹ ചൈതന്യമേ
മണ്ണില്‍ പ്രകാശിച്ച വിണ്‍ദീപമേ
ഞങ്ങളില്‍ നിന്‍ ദീപ്തി പകരണമേ
യേശുവേ....സ്നേഹ സ്വരൂപാ....

[സ്നേഹമേ ദിവ്യ സ്നേഹമേ നിന്നെ സ്തുതിക്കുന്നു ഞങ്ങള്‍...(2)]   

സര്‍വ്വം ക്ഷമിക്കുന്നവന്‍ നീ
ഞങ്ങള്‍ക്ക് പ്രത്യാശയും നീ...(2)
വഴിയും സത്യവും ജീവനുമായ് നീ
വന്നീടണമേ നാഥാ...(2)      സ്നേഹമേ......

നിന്‍ ദിവ്യ സ്നേഹം നുകരാന്‍
ഒരു മനസായൊന്നു ചേരാന്‍....(2)
സുഖവും ദു:ഖവും പങ്കിടുവാന്‍
തുനയേകണമേ നാഥാ....(2)       സ്നേഹമേ......

വഴിയരികില്‍ പഥികനായ് കാത്തുനില്‍ക്കും നാഥന്‍ വഴിതെറ്റിയാല്‍ സ്നേഹമോടെ തേടിയെത്തും നാഥന്‍

Vazhiyarikil padhikanay kaathu nilkkum nadhan vazhi thettiyal snehamode thediyethum nadhan Christian devotional song with Malayalam lyrics

ആ.......ആ.........ആ.........ആ........
വഴിയരികില്‍ പഥികനായ്
കാത്തുനില്‍ക്കും നാഥന്‍
വഴിതെറ്റിയാല്‍ സ്നേഹമോടെ
തേടിയെത്തും നാഥന്‍...(2)
അകലെ നിന്നും കാണും നേരം
ഓടിയെത്തും ചാരേ
സ്നേഹമോടെ ചേര്‍ത്തുനിര്‍ത്തി
ഉമ്മവയ്ക്കും നാഥന്‍..(2).......വഴിയരികില്‍.....

പാപങ്ങള്‍ ചെയ്തുചെയ്തു ഭാരമേറുമ്പോള്‍
രോഗത്താല്‍ നിന്‍ മനസ്സില്‍ ക്ലേശമേറുമ്പോള്‍....(2)
ഓര്‍ക്കുക നീ....ഓര്‍ക്കുക നീ...
രക്ഷകനാം യേശു നിന്‍റെ കൂടെയുണ്ടെന്ന്
സ്നേഹമുള്ള ദൈവമെന്നും കൂടെയുണ്ടെന്ന്....(വഴി.....)

അന്ധന്മാര്‍ അന്നവന്‍റെ കാരുണ്യം തേടി
ബധിരന്മാര്‍ക്കന്നവനാല്‍ കേള്‍വിയുമായി...(2)
ഓര്‍ക്കുക നീ....ഓര്‍ക്കുക നീ...
പാപികളേ തേടിവന്ന നാഥനുണ്ടെന്ന്
ക്രൂശിതനായ് മരിച്ചുയിര്‍ത്ത യേശുഉണ്ടെന്ന്....(വഴി...)

വാനമ്പാടി പാടും പോലെന്‍ ഉള്ളം വാഴ്ത്തുന്നു നിന്നെ ലോകൈകനാഥാ യേശുവേ...

Vanampadi padum polen ullam vazhthunnu ninne lokayke nadha yeshuve Christian devotional song with Malayalam lyrics

വാനമ്പാടി പാടും പോലെന്‍ ഉള്ളം
വാഴ്ത്തുന്നു നിന്നെ ലോകൈകനാഥാ യേശുവേ...
വേനല്‍ വിങ്ങും തീരം തേടും മേഘം
പോലെന്നില്‍ പെയ്യൂ നിന്‍ സ്നേഹദാനം മോചക...
(വാനമ്പാടി.....)

കാറ്റില്‍ ചാഞ്ചാടും ദീപത്തിന്‍ നാളം
നിന്‍ കാരുണ്യത്താല്‍ നേടുന്നുല്ലാസം...(2)
എന്‍...ജീവിതം പുണ്യം നേടുവാന്‍
നല്‍കൂ നല്‍വരം നീയേ ആശ്രയം....(വാനമ്പാടി....)

കാതില്‍ തേന്‍മാരി പൊഴിയും നിന്‍ നാമം
കണ്ണിന്‍ ഒളിയായി തെളിയും നിന്‍ രൂപം...(2)
എന്‍...രക്ഷകാ എന്നില്‍ നിറയണേ
ഓരോ നിനവിലും ഓരോ നിമിഷവും...(വാനമ്പാടി....)

ക്രിസ്മസ് രാവണഞ്ഞ നേരം പുല്‍ക്കൂട്ടില്‍ പ്രഭാതമായി ദൈവത്തിന്‍ സുതന്‍ പിറന്നു ലോകത്തിന്‍ പ്രതീക്ഷയായി

 Christmas ravanaja neram pulkoottil prabhathamaayi daivathin suthan pirannu Christian devotional and Christmas Carol song with Malayalam lyrics

ക്രിസ്മസ് രാവണഞ്ഞ നേരം
പുല്‍ക്കൂട്ടില്‍ പ്രഭാതമായി
ദൈവത്തിന്‍ സുതന്‍ പിറന്നു
ലോകത്തിന്‍ പ്രതീക്ഷയായി

വാനില്‍ വരവേല്‍പ്പിന്‍ ശുഭഗീതം ശാന്തിയേകി
പാരിന്‍ ഗുരുനാഥന്‍ മനതാരില്‍ ജാതനായി
വാത്സല്യമോലും പൊന്‍പൈതലായ് ഹോയ്
ആത്മീയ ജീവന്‍ നല്കുന്നിതാ....(വാനില്‍....)

ക്രിസ്മസ് രാവണഞ്ഞനേരം.....

ഈ ശാന്തതയിലൊരുനിമിഷം ഓര്‍ക്കുവീന്‍...
ഓര്‍ക്കുവീന്‍....
നിന്‍ സോദരനില്‍ ഈശനെ നീ കണ്ടുവോ...
കണ്ടുവോ....
മനുഷ്യരന്യരായ് അകലുവാന്‍
മനസ്സിലുയരുന്ന മതിലുകള്‍
ഇനി നീക്കി മന്നില്‍ ശാന്തിയേകാന്‍
ക്രിസ്മസ് വന്നിതാ....(വാനില്‍.....)

ഏകാന്തതയില്‍ ഈശ്വരനില്‍ ചേരുവീന്‍...
ചേരുവീന്‍....
നീ തേടിവന്ന ശാന്തതയും നേടുവീന്‍....
നേടുവീന്‍....
മതവികാരത്തിന്നുപരിയായ്
മനുജരെല്ലാരും ഉണരുവാന്‍
തിരുസ്നേഹദൂതുമായി വീണ്ടും
ക്രിസ്മസ് വന്നിതാ....
ലല്ല....ല...ല...ല...ല....ല്ല....ല്ല.....ല.....(വാനില്‍.....)

കാല്‍വരി കുന്നിലെ കാരുണ്യമേ കാവല്‍ വിളക്കാവുക കൂരിരുള്‍ പാതയില്‍ മാനവര്‍ക്കെന്നും നീ ദീപം കൊളുത്തീടുക...മാര്‍ഗ്ഗം തെളിച്ചീടുക

Kalvarikunnile Karunyame Kaval vilakkavuka koorirul pathayil manavarkkennum nee deepam kolutheeduka Christian devotional song with Malayalam lyrics

കാല്‍വരി കുന്നിലെ കാരുണ്യമേ
കാവല്‍ വിളക്കാവുക
കൂരിരുള്‍ പാതയില്‍ മാനവര്‍ക്കെന്നും നീ
ദീപം കൊളുത്തീടുക...മാര്‍ഗ്ഗം തെളിച്ചീടുക....(2)

മുള്‍മുടി ചൂടി ക്രൂശിതനായി
പാപലോകം പവിത്രമാക്കാന്‍...(2)
നിന്‍റെ അനന്തമാം സ്നേഹതരംഗങ്ങള്‍
എന്നെ നയിക്കുന്ന ദിവ്യശക്തി
നിന്‍റെ വിശുദ്ധമാം വേദവാക്യങ്ങള്‍
എന്‍റെ ആത്മാവിനു മുക്തിയല്ലോ
സ്വീകരിച്ചാലും...എന്നെ സ്വീകരിച്ചാലും....(കാല്‍വരി....)

കാരിരുമ്പാണി താണിറങ്ങുമ്പോള്‍
ക്രൂരരോടും ക്ഷമിച്ചവന്‍ നീ....(2)
നിന്‍റെ ചൈതന്യമേ പ്രാണനാളങ്ങളില്‍
എന്നും ക്ഷമിക്കുന്ന ശ്വാസമല്ലോ...(2)
നിന്‍റെ വിലാപം പ്രപഞ്ചഗോളങ്ങളില്‍
എന്നും മുഴങ്ങുന്ന ദു:ഖരാഗം
സ്വീകരിച്ചാലും...എന്നെ സ്വീകരിച്ചാലും....(കാല്‍വരി....)

കാവല്‍ മാലാഖമാരെ കണ്ണടയ്ക്കരുതേ താഴെയീ പുല്‍ത്തൊട്ടിലില്‍ രാജരാജന്‍ മയങ്ങുന്നു.

Kaval malakha mare kannadaykkaruthe thazheyi pulthottilil raja rajan mayangunnu Christian devotional song with Malayalam lyrics

കാവല്‍ മാലാഖമാരെ കണ്ണടയ്ക്കരുതേ
താഴെയീ പുല്‍ത്തൊട്ടിലില്‍
രാജരാജന്‍ മയങ്ങുന്നു......(2)

ഉണ്ണീ ഉറങ്ങ്‌....ഉണ്ണീ ഉറങ്ങ്‌...ഉണ്ണീ ഉറങ്ങുറങ്ങ്...

തളിരാര്‍ന്ന പൊന്മേനി നോവുമേ
കുളിരാര്‍ന്ന വൈക്കോലിന്‍ തൊട്ടിലല്ലേ...(2)
സുഖസുഷുപ്തി പകര്‍ന്നീടുവാന്‍
തൂവല്‍ കിടക്കയൊരുക്കൂ.......(2)......കാവല്‍.....

നീലനിലാവല നീളുന്ന ശാരോണ്‍
താഴ്വര തന്നിലെ പനിനീര്‍പ്പൂവേ.....(2)
തേന്‍ തുളുമ്പും ഇതളുകളാല്‍
നാഥനു ശൈയ്യയൊരുക്കൂ.....(2).....കാവല്‍.....

യോര്‍ദ്ദാന്‍ നദിക്കരെ നിന്നണയും
പൂന്തേന്‍ മണമുള്ള കുഞ്ഞിക്കാറ്റെ.....(2)
പുല്‍കിയുണര്‍ത്തല്ലേ നാഥന്‍ ഉറങ്ങട്ടെ
പരിശുദ്ധ രാത്രിയല്ലേ......(2)......കാവല്‍.....

കരുണാമയനേ കാവല്‍ വിളക്കേ കനിവിന്‍ നാളമേ

Karunamayane Kaval vilakke kanivin nalame Christian devotional song from the movie Oru Maravathoor Kanavu with Malayalam lyrics

കരുണാമയനേ കാവല്‍ വിളക്കേ
കനിവിന്‍ നാളമേ....(2)
അശരണരാകും ഞങ്ങളെയെല്ലാം
അങ്ങില്‍ ചേര്‍ക്കണേ...
അഭയം നല്‍കണേ.....(കരുണാ....)

പാപികള്‍ക്ക് വേണ്ടി വാര്‍ത്തുനീ
നെഞ്ചിലെ ചെംനിണം
നീതിമാന്‍ നിനക്ക് തന്നതോ
മുള്‍ക്കിരീട ഭാരവും
സ്നേഹലോലമായ് തലോടാം
കാല്‍നഖേന്തുവില്‍ വിലോലം....(2)
നിത്യനായ ദൈവമേ....
കാത്തിടേണമേ.....(കരുണാ.....)

മഞ്ഞു കൊണ്ടു മൂടുമെന്‍റെയീ
മണ്‍കുടീര വാതിലില്‍
നൊമ്പരങ്ങളോടെയന്നു ഞാന്‍
വന്നു ചേര്‍ന്ന രാത്രിയില്‍
നീയറിഞ്ഞുവോ...നാഥാ
നീറുമെന്നിലെ മൌനം....(2)
ഉള്ളു നൊന്തു പാടുമെന്‍
പ്രാര്‍ത്ഥനാമൃതം....(കരുണാ....)

അലകടലും കുളിരലയും മലര്‍ നിരയും നാഥനെ വാഴ്ത്തുന്നു

Alakadalum kuliralayum malar nirayum nadhane vazhthunnu Christian devotional song with Malayalam lyrics

അലകടലും കുളിരലയും മലര്‍ നിരയും
നാഥനെ വാഴ്ത്തുന്നു...(2)
കുളിര്‍ചന്ദ്രികയും താരാപഥവും...(2)
നാഥന്‍റെ നന്മകള്‍ വാഴ്ത്തുന്നു...(2)    അലകടലും....

അനന്തനീലാകാശവിതാനം
കന്യാതനയാ നിന്‍ കരവിരുതല്ലേ...(2)
അനന്യസുന്ദരമീമഹീതലം
അത്യുന്നതാ നിന്‍ വരദാനമല്ലേ...
അല്ലേ....(അലകടലും....)

ഈ ലോകമോഹത്തിന്‍ മായാവലയം
നശ്വരമാം മരീചികയല്ലേ...(2)
മൃതമാം എന്നാത്മാവിന്നുയിരേകും
ആ മോക്ഷഭാഗ്യം അനശ്വരമല്ലേ.....
അല്ലേ....(അലകടലും...)

മൃദുവായ് നീ തൊടുകില്‍ എന്നാത്മം സൌഖ്യം നേടും

Mradhuvay nee thodukil ennathmam soukhyam nedum Christian devotional song with Malayalam lyrics

മൃദുവായ് നീ തൊടുകില്‍

എന്നാത്മം സൌഖ്യം നേടും
ഹൃദയം ഇനി എന്നും
നിന്‍ വാസഗേഹം ആകും
കണ്‍മുന്‍പില്‍ നീ ഇല്ലങ്കിലും
വിശ്വാസത്താലെ കാണുന്നിതാ....(മൃദുവായ്...)

ആത്മ നാശ ഭീതിയാല്‍
നിരാശയില്‍ ഞാന്‍ താഴുമ്പോള്‍
അഭയം നീയേകീ
മുറിവില്‍ തഴുകി
എന്‍ മോക്ഷം നീയല്ലോ....(മൃദുവായ്....)

സാദ്ധ്യമല്ലെന്നോര്‍ത്തതാം
മഹാത്ഭുതങ്ങള്‍ നീ ചെയ്തു
ജന്മം നിന്‍ പാതേ...
സ്തുതിയായ് ഞാനേകാം
നിന്‍ സാക്ഷിയാകും ഞാന്‍....(മൃദുവായ്....)

അലയരുതേ മക്കളെ അലയരുതേ ലോകമാം കടലില്‍ വീണുലയരുതേ..

Alayaruthe makkale alayaruthe lokamam kadalil veenulayaruthe Christian devotional song with Malayalam lyrics

ഓ.........ഓ.........ഓ...........ഓ......

അലയരുതേ മക്കളെ അലയരുതേ
ലോകമാം കടലില്‍ വീണുലയരുതേ....(2)
പാപവും രോഗവും മോഹഭംഗവും
നിറഞ്ഞൊഴുകും കടലില്‍ വീണലയരുതേ....(2)...അലയ....

ജീവിതമാം തിരമാലയടിച്ചടിച്ച്
തകര്‍ന്നിടും നിന്‍ മനം ശാന്തമാക്കൂ...(2)
ഭയപ്പെടേണ്ടാ...എന്നോതും തോഴനെ നീ
കണ്ടുവോ നിന്‍ ജീവിതമാം തോണിയതില്‍...(2)
അലയരുതേ......

നിരാശയാം ഇരുള്‍ക്കടല്‍ നീന്തിനീന്തി
തളര്‍ന്നിടും നിന്‍ കരങ്ങള്‍ ശക്തമാക്കൂ....(2)
ഭയപ്പെടേണ്ടാ...എന്നരുളും കര്‍ത്തനെ നീ
കണ്ടുവോ നിന്‍ ജീവിതമാം യാത്രയതില്‍....(2)
അലയരുതേ.....

ഇടയനെ വിളിച്ചു ഞാന്‍ കരഞ്ഞപ്പോള്‍ ഉടനവനരികില്‍ അണഞ്ഞരുളി

Idayane vilichu njan karanjappol udan avan arikil ananjaruli Christian devotional song with Malayalam lyrics

ഇടയനെ വിളിച്ചു ഞാന്‍ കരഞ്ഞപ്പോള്‍

ഉടനവനരികില്‍ അണഞ്ഞരുളി
ഭയന്നൊരു നിമിഷവും തളരരുതെ
ഉറങ്ങുകില്ല മയങ്ങുകില്ല
നിന്‍റെ കാല്‍ വഴുതാനിടയാകുകില്ല....(2)....ഇടയനെ....

പച്ചയാം പുല്‍മേട്ടില്‍ നയിക്കാം
ജീവജലം നല്‍കി നിന്നെ ഉണര്‍ത്താം.....(2)
ഇരുളല വീഴും താഴ്വരയില്‍
വഴിതെളിച്ചെന്നും കൂടെ വരാം.....(2)
വഴിതെളിച്ചെന്നും കൂടെ വരാം........(ഇടയനെ...)

എന്‍റെ തോളില്‍ ഞാന്‍ നിന്നെ വഹിക്കാം
നൊമ്പരങ്ങള്‍ എന്നും ഞാനകറ്റാം....(2)
മുറിവുകളേറും മാനസത്തില്‍
അനുദിനം സ്നേഹം ഞാന്‍ നിറയ്ക്കാം....(2)
അനുദിനം സ്നേഹം ഞാന്‍ നിറയ്ക്കാം......(ഇടയനെ....)

ഒത്തിരി ഒത്തിരി സ്നേഹിച്ചോരെല്ലാം ഒത്തിരി നൊമ്പരം തന്നീടുമ്പോള്‍

Othiri othiri snehichorellam othiri nombaram thannedumbol  Christian devotional song with Malayalam lyrics

ഒത്തിരി ഒത്തിരി സ്നേഹിച്ചോരെല്ലാം
ഒത്തിരി നൊമ്പരം തന്നീടുമ്പോള്‍....(2)
നെഞ്ചുതകര്‍ന്നു കരയുമ്പോള്‍ എന്നെ
നെഞ്ചോടു ചേര്‍ക്കുമെന്‍ യേശുനാഥാ..

ഓ..എന്‍റെ സ്നേഹമേ...
വന്നു നിറഞ്ഞീടണേ....(2)

എന്‍ സ്വന്തനേട്ടങ്ങള്‍ എല്ലാം മറന്നു
ത്യാഗം സഹിച്ചേറെ നന്മ ചെയ്തു....(2)
കണ്ടില്ലാരുമെന്‍ നന്മകളൊന്നും
അന്യയായെന്നെ തള്ളിയല്ലോ.....

ഓ..എന്‍റെ സ്നേഹമേ....
ശാന്തിയായ് വന്നീടണേ...(2)

സമ്പാദ്യമൊന്നുമേ കരുതിയില്ലേലും
നഷ്ടങ്ങളെല്ലാം നേട്ടങ്ങളാക്കി...(2)
എന്നേ ഉയര്‍ത്തും നാഥനുവേണ്ടി
ജീവിക്കും ഞാനിനി സന്തോഷിക്കും...

ഓ..എന്‍റെ സ്നേഹമേ....
കാവലായ് വന്നീടണേ....(2)....ഒത്തിരി.....

ആരാധിച്ചിടാം കുമ്പിട്ടാരാധിച്ചീടാം ആരാധിക്കുമ്പോള്‍ അപദാനം പാടീടാം

Aaradhicheedam Kumbitt aaradhicheedam aaradhikkumbol Christian devotional song with Malayalam lyrics

ആരാധിച്ചിടാം കുമ്പിട്ടാരാധിച്ചീടാം
ആരാധിക്കുമ്പോള്‍ അപദാനം പാടീടാം
ആ പൂജിതമാം രക്ഷാനാമം വാഴ്ത്തിപാടാം
ആ പദമലരില്‍ താണുവീണു വന്ദിച്ചീടാം
ആത്മനാഥാ ഞാന്‍ നിന്നില്‍ ചേരേണം
എന്‍ മനസ്സില്‍ നീ നീണാള്‍ വാഴേണം......(ആരാധിച്ചീടാം....)

യേശുനാഥാ ഒരു ശിശുവായ്
എന്നെ നിന്‍റെ മുന്‍പില്‍ നല്‍കീടുന്നേ
എന്‍ പാപമേതും മായിച്ചു നീ
ദു:ഖഭാരമെല്ലാം മോചിച്ചു നീ
ആത്മാവില്‍ നീ വന്നേരമെന്‍
കണ്ണീരു വേഗം ആനന്ദമായ്....(2)     ആരാധിച്ചീടാം.....

സ്നേഹനാഥാ ഒരു ബലിയായ്
ഇനി നിന്നില്‍ ഞാനും ജീവിക്കുന്നേ
എന്‍റെതായതെല്ലാം സമര്‍പ്പിക്കുന്നു
പ്രീയനായി എന്നെ സ്വീകരിക്കൂ
അവകാശിയും അധിനാഥനും
നീ മാത്രമീശോ മശിഹായെ...(2)     ആരാധിച്ചീടാം...

ആകുലനാകരുതേ മകനെ അസ്വസ്ഥനാകരുതേ

Aakulanakaruthe makane aswasthanakaruthe Christian devotional song with Malayalam lyrics

ആകുലനാകരുതേ മകനെ അസ്വസ്ഥനാകരുതേ
ആധിയാലായുസ്സിനെ നീട്ടാനാകുമോ നരനുലകില്‍...(2)

സോളമനേക്കാള്‍ മോടിയിലായ്
ലില്ലിപ്പൂവുകളണിയിപ്പോര്‍....(2)
നിന്നെ കരുതി നിനച്ചിടുമേ
പിന്നെ നിനക്കെന്താശങ്ക...(2)...ആകുലനാകരുതേ...

വിതയും കൊയ്ത്തും കലവറയും
അറിവില്ലാത്തൊരു പറവകളെ...(2)
പോറ്റും കരുണാമയനല്ലോ
വത്സലതാതന്‍ പാലകനായ്...(2)...ആകുലനാകരുതേ...

ക്ലേശം ദുരിതം പീഢനവും
രോഗമനര്‍ത്ഥം ദാരിദ്ര്യം...(2)
ഒന്നും നിന്നെ അകറ്റരുതേ
രക്ഷകനില്‍ നിന്നൊരുനാളും...(2)

നിത്യസ്നേഹത്താല്‍ എന്നെ സ്നേഹിച്ചു

Nithya Snehathal enne Snehichichu Christian devotional song with Malayalam lyrics

നിത്യസ്നേഹത്താല് എന്നെ സ്നേഹിച്ചു
നിത്യസ്നേഹത്താല്‍ എന്നെ സ്നേഹിച്ചു
അമ്മയേകിടും സ്നേഹത്തെക്കാള്‍
ലോകം നല്‍കീടും സ്നേഹത്തെക്കാള്‍
അങ്ങേയേ വിട്ടെങ്ങും പോകയില്ല ഞാന്‍...(2)
അങ്ങേയേ ചേര്‍ന്നെന്നും ജീവിക്കും ഞാന്‍
സത്യസാക്ഷിയായ് ജീവിക്കും ഞാന്‍

നിത്യരക്ഷയാല്‍ എന്നെ രക്ഷിച്ചു...(2)
ഏക രക്ഷകന്‍ യേശുവിനാല്‍
ലോക രക്ഷകന്‍ യേശുവിനാല്‍
നിന്‍ ഹിതം ചെയ്‌വാന്‍
അങ്ങയേ പോലാകാന്‍....(2)
എന്നെ നല്‍കുന്നു പൂര്‍ണ്ണമായി
മോദമോടിതാ പൂര്‍ണ്ണമായി

നിത്യനാടതില്‍ എന്നെ ചേര്‍ക്കുവാന്‍...(2)
മേഘത്തേരതില്‍ വന്നീടുമേ
യേശുരാജനായ് വന്നീടുമേ
ആരാധിച്ചീടും കുമ്പിട്ടീടും ഞാന്‍...(2)
സ്വര്‍ഗ്ഗനാടതില്‍ യേശുവിനെ
സത്യദൈവമാം യേശുവിനെ.....(നിത്യസ്നേഹത്താല്‍..)

കഷ്ടങ്ങള്‍ സാരമില്ല കണ്ണുനീര്‍ സാരമില്ല

Kashtangal Saramilla kannuneer Saramilla Christian devotional song with Malayalam lyrics

കഷ്ടങ്ങള് സാരമില്ല
കണ്ണുനീര്‍ സാരമില്ല
നിത്യതേജസ്സിന്‍ ഘനമോര്‍ത്തിടുമ്പോള്‍
ഞൊടിനേരത്തേക്കുള്ള.....(കഷ്ടങ്ങള്‍....)

പ്രീയന്‍റെ വരവിന്‍ ധ്വനി മുഴങ്ങും
പ്രാക്കളെ പോലെ നാം പറന്നുയരും
പ്രാണന്‍റെ പ്രീയനാം മണവാളനില്‍
പ്രാപിക്കും സ്വര്‍ഗ്ഗീയ മണിയറയില്‍....(2)..കഷ്ടങ്ങള്‍...

യുദ്ധവും ക്ഷാമവും ഭൂകമ്പങ്ങളും
യുദ്ധത്തിന്‍ ശ്രുതിയും കേള്‍ക്കുന്നില്ലയോ
യിസ്രായേലിന്‍ ദൈവം എഴുന്നള്ളുന്നേ
യേശുവിന്‍ ജനമേ ഒരുങ്ങുക നാം....(2)....കഷ്ടങ്ങള്‍....

ദൈവസ്നേഹം വര്‍ണ്ണിച്ചീടാന്‍ വാക്കുകള്‍ പോരാ

Daivasneham Varnicheedan vakkukal pora Christian devotional song with Malayalam lyrics

ദൈവസ്നേഹം വര്‍ണ്ണിച്ചീടാന്‍
വാക്കുകള്‍ പോരാ.....
നന്ദിചൊല്ലി തീര്‍ക്കുവാനീ
ജീവിതം പോര....
കഷ്ടപ്പാടിന്‍ കാലങ്ങളില്‍
രക്ഷിക്കുന്ന സ്നേഹമോര്‍ത്താല്‍
എത്ര സ്തുതിച്ചാലും മതി വരുമോ.....(ദൈവ.....)

സ്വന്തമായ് ഒന്നുമില്ല
സര്‍വ്വതും നിന്‍ ദാനം
സ്വസ്ഥമായ് ഉറങ്ങീടാന്‍
സമ്പത്തില്‍ മയങ്ങാതെ
മന്നില്‍ സൌഭാഗ്യം നേടാനായാലും
ആത്മം നഷ്ടമായാല്‍ ഫലമെവിടെ.....(ദൈവ....)

സ്വപ്നങ്ങള്‍ പൊലിഞ്ഞാലും
ദു:ഖത്താല്‍ വലഞ്ഞാലും
മിത്രങ്ങള്‍ അകന്നാലും
ശത്രുക്കള്‍ നിരന്നാലും
രക്ഷാകവചം നീ മാറാതെന്നാളും
അങ്ങെന്‍ മുന്‍പേ പോയാല്‍ ഭയമെവിടെ....(ദൈവ....)

ദൈവത്തെ മറന്നു കുഞ്ഞേ ജീവിക്കരുതേ

Daivathe marannu kunje jeevikkaruthe Malayalam Christian devotional song with lyrics and karoke

ദൈവത്തെ മറന്നു കുഞ്ഞേ ജീവിക്കരുതേ
ദൈവമല്ലേ ജിവിതത്തില്‍ നിന്‍റെ സര്‍വ്വവും
കുഞ്ഞുന്നാളില്‍ പഠിച്ചതെല്ലാം മറന്നുപോയോ..
വിശ്വാസത്തിന്‍ ദീപമെല്ലാം അണഞ്ഞുപോയോ
പൊന്നുകുഞ്ഞേ ദൈവസ്നേഹം മറന്നിടല്ലേ
ദൈവമല്ലാതാരു നിന്നെ രക്ഷിക്കാനുള്ളൂ...(ദൈവത്തെ...)

നിന്‍റെ കുഞ്ഞിക്കവിളുകളില്‍ മുത്തങ്ങള്‍ നല്‍കീ...
ആത്മാവിന്‍റെ വീണമീട്ടി നിന്നെ തഴുകി......(2)
ആരീരാരം പാടിപ്പാടി നിന്നെ ഉറക്കി.....
നെഞ്ചുണര്‍ത്തും ചൂടുനല്‍കി നിന്നെ വളര്‍ത്തി
ഇത്ര നല്ല ദൈവത്തെ നീ മറന്നുപോയോ...(ദൈവത്തെ...)

ലോക സുഖ മോഹമെല്ലാം കടന്നു പോകും
മാനവന്‍റെ നേട്ടമെല്ലാം തകര്‍ന്നുവീഴും.....(2)
ദൈവത്തെ നീ ആശ്രയിച്ചാല്‍ രക്ഷ നേടീടും
ഈ ലോകത്തില്‍ ധന്യമാകും നിന്‍റെ ജീവിതം
ദൈവം നല്‍കും ദിവ്യസ്നേഹം എത്ര സുന്ദരം..(ദൈവത്തെ..)
                           Karoke

വിശ്വം കാക്കുന്ന നാഥാ വിശ്വൈക നായകാ

Viswam kakkunna nadha viswaika nayaka Malayalam Christian devotional song from Malayalam movie Veendum chila Veettukaryangal with lyrics

വിശ്വം കാക്കുന്ന നാഥാ വിശ്വൈക നായകാ
ആത്മാവിലെരിയുന്ന തീയണുക്കൂ
നിന്‍ ആത്മചൈതന്യം നിറയ്ക്കൂ..
ആത്മചൈതന്യം നിറയ്ക്കു.....(വിശ്വം....)

ഇടയന്‍ കൈവിട്ട കുഞ്ഞാടുകള്‍
ഇരുളില്‍ കൈത്തിരി തിരയുമ്പോള്‍....(2)
ആരുമില്ലാത്തവര്‍ക്കഭയം നല്‍കും
കാരുണ്യം എന്നില്‍ ചൊരിയേണമേ
കാരുണ്യമെന്നില്‍ ചൊരിയേണമേ....(വിശ്വം...)

അകലാതെ അകലുന്നു സ്നേഹാംബരം
നീ അറിയാതെ പോകുന്നു എന്‍ നൊമ്പരം....(2)
അന്യനാണെങ്കിലും എന്‍റെ ഈ കണ്ണുനീര്‍...(2)
ധന്യമായ് തീരട്ടെ നിന്‍ വീഥിയില്‍.....(2)....വിശ്വം.....

സ്നേഹിതാ എന്‍റെ സ്നേഹിതാ... നിന്നെ കാണുവാന്‍ ആശയേറെയായ്

Snehitha ente snehitha ninne kanuvan ashayereyay Christian devotional song with Malayalam lyrics

സ്നേഹിതാ എന്‍റെ സ്നേഹിതാ...
നിന്നെ കാണുവാന്‍ ആശയേറെയായ്
യേശുവേ എന്‍റെ രക്ഷകാ
നേരില്‍ കാണുവാന്‍ ദാഹമേറെയായ്

എന്‍റെ ഹൃത്തില്‍ നിന്‍ സ്നേഹസാന്ത്വനം
സത്യസാക്ഷ്യമായ്‌ നല്ല ദൈവമേ
നിത്യജീവനാം നിന്‍റെ വാക്കുകള്‍
ഒന്നു മാത്രമാണെന്‍റെ ആശ്രയം...(സ്നേഹിതാ....)

ഓ......നിന്‍റെ സ്നേഹം...ഞാ...നറിഞ്ഞു നാഥാ
തന്‍ ചോര ചിന്തി...നീ...മരിച്ചെനിക്കായ്
സ്നേഹിതര്‍ക്കുവേണ്ടി തന്‍റെ ജീവനര്‍പ്പിക്കുന്നതില്‍
മേലെയില്ല സ്നേഹമെന്നു ചൊല്ലിയൊരു നായകാ
കാല്‍വരിക്കുരിശതില്‍ സത്യമായി നിന്‍ മൊഴി...
(സ്നേഹിതാ....)

എന്‍...പാപഭാരം...നീ...തോളിലേറ്റി
എന്‍...ദു:ഖമെല്ലാം...നീ...ദൂരെ നീക്കി
നിത്യനായ് ഉയിര്‍ത്തെണീറ്റ നിന്‍റെ മിത്രമാകുവാന്‍
നീചപാപിയായോരെന്നെ യോഗ്യയാക്കിയില്ലയോ
നന്ദിയോടെ ഞാനിതാ സ്തോത്രഗീതം പാടിടാം....
(സ്നേഹിതാ....)

പൈതലാം യേശുവെ ഉമ്മവച്ചുമ്മവച്ചുണര്‍ത്തിയ..

Paithalam yeshuve ummavachummavach unarthiya aattidayar Christian devotional song with Malayalam lyrics


പൈതലാം യേശുവെ...

ഉമ്മവച്ചുമ്മവച്ചുണര്‍ത്തിയ...
ആട്ടിടയര്‍ ഉന്നതരെ..
നിങ്ങള്‍ തന്‍ ഹൃദ്ത്തില്‍ യേശുനാഥന്‍ പിറന്നു..

ലാ..ലാ..ലാ..ലാ..........
ആഹാ....ആഹാ...ആഹാ...
ഉം....ഉം....ഉം....ഉം.....

താലപ്പൊലിയേകാന്‍ തംബുരു മീട്ടുവാന്‍
താരാട്ടു പാടി ഉറക്കീടുവാന്‍..........(2)
താരാഗണങ്ങളായ് ആഗതരാകുന്നു
വാനാരൂപികള്‍ ഗായകശ്രേഷ്ഠര്‍...(2).....പൈതലാം...

ഉള്ളില്‍ തിരതല്ലും മോദത്തോടെത്തും
പാരാകെ പ്രേക്ഷകര്‍ നിരനിരയായ്...(2)
നാഥാധിനാഥനായ് വാഴുമെന്നീശനായ്
ഉണര്‍വ്വോടേകുന്നെന്‍ ഉള്‍ത്തടം ഞാന്‍..(2)...പൈതലാം..

ഉള്ളം നൊന്തു നീ തേങ്ങുമ്പോള്‍ ഉള്ളം കയ്യില്‍ താങ്ങാം ഞാന്‍

Ullam nonthu nee thengumbol ullam kayyil thangam njan Christian devotional song with Malayalam lyrics

ഉള്ളം നൊന്തു നീ തേങ്ങുമ്പോള്‍
ഉള്ളം കയ്യില്‍ താങ്ങാം ഞാന്‍
ഉള്ളിലെ നൊമ്പരപ്പാടുകളില്‍
ചുംബനമേകി തലോടാം ഞാന്‍....(2)

എന്‍റെ കുഞ്ഞേ പോന്നോമലേ
നിന്‍റെ ദൈവം ഞാനല്ലയോ
ഇടറല്ലേ പതറല്ലേ കരയല്ലേ നീ
അഭയമേകാന്‍ ഞാന്‍ കൂടെയില്ലേ....(എന്‍റെ കുഞ്ഞേ...)

ആരൊക്കെ നിന്നെ മറന്നാലും
ആരെല്ലാം നിന്നെ വെറുത്താലും
ഒരിക്കലും നിന്നെ മറക്കില്ല ഞാന്‍
ഒരു വേള പോലും പിരിയില്ല ഞാന്‍...(ഒരിക്കലും..)
.......എന്‍റെ കുഞ്ഞേ......

രോഗിയായ് നീ തേങ്ങിക്കരയുമ്പോള്‍
പാപിയായ് നീയേറെ തകരുമ്പോള്‍
ആശ്വാസമേകിടാന്‍ അണഞ്ഞിടാം ഞാന്‍
ആത്മീയ ജീവന്‍ പകര്‍ന്നിടാം ഞാന്‍......(ഉള്ളം നൊന്തു....)

ഒരിക്കല്‍ യേശുനാഥന്‍ ഗലീലില്‍ കടല്‍ തിരയില്‍

Orickal yeshunadhan galeele kadal thirayil Christian devotional song with Malayalam lyrics

ഒരിക്കല് യേശുനാഥന്‍ ഗലീലില്‍ കടല്‍ തിരയില്‍
തോണിയേറി വലവീശി പോണോരെ കണ്ടേ
അവരോടന്നു ചൊല്ലി സ്നേഹമോടെ ദൈവദൂതുകള്‍...(2)

അലകടലില്‍ അലയും മുക്കുവരേ
ഒരുമയോടെ വരുവീന്‍ കരകയറാം....(2)...ഒരിക്കല്‍...

വലകള്‍ മാറിമാറി അലകടലില്‍വീശി നോക്കി
വെറുതേ തോണിയുമായ് അവരുഴറുമ്പോള്‍
ചെറുമീന്‍ പോലുമില്ലാതവരലയുമ്പോള്‍....(2)
വരുവീന്‍ വലയെറിയീന്‍ നിറയും വല വലിക്കീന്‍
മനസിന്‍റെ അമരത്തെ ഗുരു അരുളുന്നു
മാനവരെ നേടുന്നോരായിരിക്കുക
ഇവിടെ മാനവര്‍ക്ക് മോക്ഷദീപം ആവുക നിങ്ങള്‍....
(അലകടലില്‍......)

അലകള്‍ ചീറിവരും ആ കടലില്‍ ശിഷ്യഗണം
ഉലയും തോണി തുഴഞ്ഞിടറി നീങ്ങുമ്പോള്‍...
തിരയില്‍ തോണിയുലഞ്ഞവരലയുമ്പോള്‍....(2)
അരുതേ ഭയമരുതേ ഇരുളില്‍ ഗുരു അരുളി
ജലരാശി ഗുരുവിന്‍റെ നടവഴി ആയി
വിശ്വാസം ഉടയാത്തോരായിരിക്കുക
ഇനിയും പത്രോസേ ദൈവവാക്യം ഓര്‍ക്കുക എന്നും...
(അലകടലില്‍....)

രക്ഷകാഎന്‍റെ പാപ ഭാരമെല്ലാം നീക്കണേ

 Rakshaka ente papa bharam ellam neekkane Christian devotional song with Malayalam lyrics

രക്ഷകാഎന്‍റെ പാപ ഭാരമെല്ലാം നീക്കണേ
യേശുവേ എന്നും നീതിമാന്‍റെ മാര്‍ഗ്ഗം നല്കണേ....(2)
ഇടയ വഴിയില്‍....നീ....അഭയമരുളൂ.....(രക്ഷകാ...)

ക്രൂശില്‍ പിടഞ്ഞ വേളയില്‍
നാഥന്‍ ചൊരിഞ്ഞ ചോരയില്‍...(2)
ബലിദാനമായിതാ തിരുജീവനേകി നീ...(2)
കേഴുന്നു ഏകാകി ഞാന്‍
നാഥാ നീ കനിയില്ലയോ
കണ്ണീരും തൂകുന്നിതാ..........(രക്ഷകാ.....)

നീറും മനസ്സിനേകി നീ
സ്നേഹം നിറഞ്ഞ വാക്കുകള്‍....(2)
ശരണാര്‍ത്തിയായിതാ തിരുമുന്‍പില്‍ നിന്നു ഞാന്‍...(2)
പാടുന്നു ഏകാകി ഞാന്‍
നാഥാ നീ കേള്‍ക്കില്ലയോ
കാരുണ്യം ചൊരിയില്ലയോ.......(രക്ഷകാ....)

ഒരിക്കലെന്‍റെ നാഥന്‍ എന്നേശുതാതന്‍ മകനേ എന്നെന്നെ വിളിച്ചു

Orikkalente nadhan enneshu thathan makane ennenne vilichu Christian devotional song malayalam lyrics

ഒരിക്കലെന്‍റെ നാഥന്‍
എന്നേശുതാതന്‍ മകനേ എന്നെന്നെ വിളിച്ചു
എന്‍റെ മകനേ എന്നെന്നെ വിളിച്ചു...(2)
അതുകേട്ട മാത്രയില്‍ ഞാന്‍....
അവനായ് സമര്‍പ്പിച്ചു ഞാന്‍
എന്നെ അവനായ് സമര്‍പ്പിച്ചു ഞാന്‍....(ഒരിക്കലെന്‍റെ...)

ധൂര്‍ത്തനായി ഞാന്‍ നടന്നു
മോഹമെല്ലാം തകര്‍ന്നൂ
നാഥനെന്‍റെ ചാരെ വന്നൂ
വേദന ഞാന്‍ മറന്നൂ
കരുതിടുന്ന സ്നേഹമാണു
നന്മയാണു നാഥന്‍
മനമുണര്‍ന്നു മോദമോടെ
ഒന്നുചേര്‍ന്നു പാടാം
വഴിയാണവന്‍ സത്യവഴിയാണവന്‍
നിത്യമലിവിന്‍റെ തണലാണവന്‍......(2)....(ഒരിക്കലെന്‍റെ...)

തീരം തേടി ഞാനലഞ്ഞൂ
ക്ലേശതയാല്‍ തളര്‍ന്നു
കൈകള്‍ നീട്ടി നാഥന്‍ വന്നൂ
കടലല പോയ്‌ മറഞ്ഞൂ
നിത്യമായ രക്ഷയാണു കരുണയാണു നാഥന്‍
നന്ദിയോടെ സ്നേഹമോടെ ഒന്ന് ചേര്‍ന്നു പാടാം
വഴിയാണവന്‍ സത്യവഴിയാണവന്‍
നിത്യമലിവിന്‍റെ തണലാണവന്‍......(2)....(ഒരിക്കലെന്‍റെ...)

കാനായിലെ കല്യാണനാളില്‍ കല്ഭരണിയിലെ വെള്ളം മുന്തിരിനീരായ്

Kanayile kalyana nalil kalbharaniyile vellam munthirineerayi... Christian devotional song with Malayalam lyrics

കാനായിലെ...കല്യാണനാളില്‍...
കല്‍ഭരണിയിലെ വെള്ളം മുന്തിരിനീരായ്...(2)
വിസ്മയത്തില്‍ മുഴുകി ലോകരന്നു...
വിസ്മൃതിയില്‍ തുടരും ലോകരിന്ന്
മഹിമ കാട്ടി...യേശുനാഥന്‍.....(കാനായിലെ....)

കാലികള്‍ മേവും പുല്‍തൊഴുത്തില്‍
മര്‍ത്ത്യനായ്‌ ജന്മമേകിഈശന്‍....(2)
മെഴുതിരിനാളം പോലെയെന്നും
വെളിച്ചമേകി ജഗത്തിനെന്നും...(2)
ആഹാ...ഞാനെത്രഭാഗ്യവാന്‍...
ആഹാ...ഞാനെത്രഭാഗ്യവാന്‍ യേശു എന്‍ ജീവനില്‍...
(കാനായിലെ....)

ഊമയെ സൌഖ്യമാക്കി ഇടയന്‍...
അന്ധന് കാഴ്ചയേകി നാഥന്‍.....(2)
പാരിതില്‍ സ്നേഹസൂനം വിതറി
കാല്‍വരിയില്‍ നാഥന്‍ പാദമിടറി....(2)
ആഹാ...ഞാനെത്രഭാഗ്യവാന്‍...
ആഹാ...ഞാനെത്രഭാഗ്യവാന്‍ യേശു എന്‍ ജീവനില്‍...
(കാനായിലെ....)

ഇടറി വീഴുവാന്‍ ഇടതരല്ലേ നീ..

Idari veezhuvan ida tharalle nee yeshunayaka Christian devotional song with Malayalam lyrics

ഇടറി വീഴുവാന്‍ ഇടതരല്ലേ നീ
യേശുനായകാ...
ഇടവിടാതെ ഞാന്‍ നല്ലിടയനോടെന്നും
പ്രാര്‍ത്ഥിക്കുന്നിതാ...
മുള്‍ക്കിരീടം ചാര്‍ത്തിയ ജീവദായകാ
ഉള്‍ത്തടത്തിന്‍ തേങ്ങല്‍ നീ കേട്ടിടില്ലയോ...(ഇടറി....)

മഹിയിന്‍ ജീവിതം മഹിതമാക്കുവാന്‍
മറന്നുപോയ മനുജനല്ലോ ഞാന്‍
അറിഞ്ഞിടാതെ ഞാന്‍ ചെയ്ത പാപമോ
നിറഞ്ഞ കണ്ണുനീര്‍ കണങ്ങളായ്
അന്ധകാരവീഥിയില്‍ തള്ളിടല്ലേ രക്ഷകാ
അന്ത:രംഗം നൊന്തുകേണിതാ...............(ഇടറി.....)

വിശ്വമോഹങ്ങള്‍ ഉപേക്ഷിക്കുന്നു ഞാന്‍
ചെയ്ത പാപപ്രായശ്ചിത്തമായ്..
ഉലകില്‍ വീണ്ടും ഞാന്‍ ഉലഞ്ഞു പോകല്ലേ
ഉടഞ്ഞൊരു പളുങ്കുപാത്രം ഞാന്‍
എന്‍റെ ശിഷ്ടജന്മമോ നിന്‍റെ പാദലാളനം
എന്നുമാശ്രയം നീ മാത്രമേ.....................(ഇടറി....)