സ്നേഹിതാ എന്‍റെ സ്നേഹിതാ... നിന്നെ കാണുവാന്‍ ആശയേറെയായ്

Snehitha ente snehitha ninne kanuvan ashayereyay Christian devotional song with Malayalam lyrics

സ്നേഹിതാ എന്‍റെ സ്നേഹിതാ...
നിന്നെ കാണുവാന്‍ ആശയേറെയായ്
യേശുവേ എന്‍റെ രക്ഷകാ
നേരില്‍ കാണുവാന്‍ ദാഹമേറെയായ്

എന്‍റെ ഹൃത്തില്‍ നിന്‍ സ്നേഹസാന്ത്വനം
സത്യസാക്ഷ്യമായ്‌ നല്ല ദൈവമേ
നിത്യജീവനാം നിന്‍റെ വാക്കുകള്‍
ഒന്നു മാത്രമാണെന്‍റെ ആശ്രയം...(സ്നേഹിതാ....)

ഓ......നിന്‍റെ സ്നേഹം...ഞാ...നറിഞ്ഞു നാഥാ
തന്‍ ചോര ചിന്തി...നീ...മരിച്ചെനിക്കായ്
സ്നേഹിതര്‍ക്കുവേണ്ടി തന്‍റെ ജീവനര്‍പ്പിക്കുന്നതില്‍
മേലെയില്ല സ്നേഹമെന്നു ചൊല്ലിയൊരു നായകാ
കാല്‍വരിക്കുരിശതില്‍ സത്യമായി നിന്‍ മൊഴി...
(സ്നേഹിതാ....)

എന്‍...പാപഭാരം...നീ...തോളിലേറ്റി
എന്‍...ദു:ഖമെല്ലാം...നീ...ദൂരെ നീക്കി
നിത്യനായ് ഉയിര്‍ത്തെണീറ്റ നിന്‍റെ മിത്രമാകുവാന്‍
നീചപാപിയായോരെന്നെ യോഗ്യയാക്കിയില്ലയോ
നന്ദിയോടെ ഞാനിതാ സ്തോത്രഗീതം പാടിടാം....
(സ്നേഹിതാ....)